29 Naýryz 2020, 19:34 588 0 Qaýipsizdik Anar LEPESOVA

Qaraǵandy oblysy: 5 qalada qandaı shekteýler engizildi?

30 naýryz saǵat 00.00-den bastap  Qaraǵandy oblysynyń karantınge jabylatyn 5 qalasynda birqatar shekteý sharalary engiziledi.

Atap aıtqanda:

  • Bes qalanyń turǵyndaryna otbasy múshelerin qospaǵanda, úsh adamnan astam toppen jınalýǵa tyıym salynady. Azyq-túlik, dári-dármek, bank qyzmetterin satyp alýdy jáne jumysqa barý qajettiligin qospaǵanda, azamattardyń úıden shyǵýyna shekteý qoıylady.
  • 65 jastan asqan adamdarǵa dalaǵa shyǵýǵa bolmaıdy.
  • Kámeletke tolmaǵandarǵa eresektersiz úıden shyǵýǵa tyıym salynady.
  • Erekshe ókimge deıin barlyq qoǵamdyq oryndar jabylatyn bolady. Ol - saıabaqtar, gúlzarlar, balalardyń oıyn jáne sport alańdary. Bıznes-ortalyqtar 10.00-den 15.00-ge deıin jumys isteıdi.
  • Dámhanalar men meıramhanalar jetkizý rejıminde ǵana jumys isteı alady.
  • Barlyq azyq-túlik emes dúkender, jeke menshik jáne memlekettik balabaqshalar, sulýlyq salondary, qoǵamdyq monshalar, saýnalar, býkmekerlik keńseler jáne basqa da qyzmet kórsetý mekemeleri jumysyn toqtatady.
  • Karantındik qalalar arasyndaǵy kólik qatynasy ázirge toqtatylǵan joq. Qozǵalys 2020 jylǵy 2 sáýirde 00.00-den bastap shekteledi. Sondaı-aq, avto jáne temirjol vokzaldarynyń, áýejaıdyń (arnaıy reıster shektelmeıdi) jumysy ýaqytsha toqtatylyp, qoǵamdyq kóliktiń jumysy shekteletinin jáne karantındik aımaqtyń tolyq qorshalýy qamtamasyz etiledi.
  • Eńbek kóshi-qony máseleleri jergilikti ákimdiktermen jáne jumys berýshilermen birlesip sheshiletin bolady.

Eske sala keteıik, buǵan deıin Qaraǵandy oblysynyń bes qalasy karantınge jabylatynyn habarlaǵanbyz.

Qaraǵandy, Abaı, Saran, Temirtaý, Shahtınsk qalalarynda 2020 jylǵy 30 naýryzdan bastap karantın tártibi engiziledi.

Sońǵy jańalyqtar