26 Naýryz, 21:19 4318 0 Qaýipsizdik Anar LEPESOVA

Nur-Sultan men Almaty turǵyndarynyń úıden sebepsiz shyǵýyna shekteý qoıyldy

Elimizde koronavırýs ınfekııasynyń taralýyna baılanysty Nur-Sultan men Almatyda kámeletke tolmaǵandarǵa eresektersiz júrýge tyıym salyndy. 

Búgin elimizde koronavırýs ınfekııasyn taratpaý jónindegi memlekettik komıssııanyń otyrysy ótti. Onda jańa shekteý sharalary engizildi.

28 naýryzdan bastap Almaty men Nur-Sultan turǵyndaryna azyq-túlik, dári-dármek satyp alýdy jáne jumysqa barýdy qospaǵanda, azamattardyń turǵyn úıden shyǵýyn shekteý qoıylady.

Sondaı-aq, halyq kóp jınalatyn oryndardy jabylady (saıabaqtar, skverler, jaıaý júretin kósheler, jaǵalaýlar, oıyn alańdary jáne t. b.).

Sonymen qatar, kóshelerde jáne basqa da qoǵamdyq oryndarda úsh adamnan artyq toptasyp jınalýǵa ári kámelettik jasqa tolmaǵandardyń úlkendersiz syrtta júrýine tyıym salynady.

Aıta keteıik, Qazaqstanda koronavırýs juqtyrǵandar sany 109 adamǵa jetti.

Indet juqtyrǵan otandasymyzdyń biri kóz jumdy

Sońǵy jańalyqtar