25 Naýryz, 14:50 407 0 Jańalyqtar Asyl TUMAR

Nur Otan: partııalyq baqylaý komıssııasy men qoǵamdyq keńesterdiń jumysy kúsheımek

Memleket basshysy Qasym-Jomart Toqaevtyń tapsyrmasyna sáıkes, «Nur Otan» partııalyq baqylaý komıssııasy men aımaqtardaǵy sybaılas jemqorlyqqa qarsy is-qımyl jónindegi qoǵamdyq keńesterdiń jumysy kúsheıedi, – dep jazdy «Nur Otan» partııasy Tóraǵasynyń birinshi orynbasary Baýyrjan Baıbek óziniń ınstagram-paraqshasynda. 

Jazbada bul is-shara partııanyń qoǵamdyq qabyldaýlaryna turǵyndardan kelip túsken ótinishterdi jiti baqylaý maqsatynda jasalyp jatqany aıtylǵan.

Baýyrjan Qydyrǵalıuly bul tusta azamattardyń ótinishterine jaýap bermeıtin, sondaı-aq BAQ pen áleýmettik jelilerde turǵyndar kótergen máseleler boıynsha ózderine jaýapkershilik alyp, der kezinde tıisti sheshimder qabyldamaıtyn laýazymdy tulǵalar týraly sóz bolyp otyrǵanyn jazǵan.

«Nur Otan» sonymen qatar daǵdarysqa qarsy is-sharalardy júzege asyrýǵa bólingen qarajattyń ashyq ári tıimdi jumsalýyna partııalyq jáne qoǵamdyq baqylaýdy qamtamasyz etedi.

Sońǵy jańalyqtar