23 Naýryz, 19:47 807 0 Áleýmet Anar LEPESOVA

Air Astana sheteldegi 37,5 myńnan astam qazaqstandyqty elge jetkizdi

Koronavırýstyń saldarynan birqatar elderge kirý/shyǵý erejeleriniń shektelýine baılanysty Air Astana áýe kompanııasy bıylǵy jyldyń 1 naýryzynan 23 naýryzyna deıin 37, 5 myńnan astam qazaqstandyqty shetelden qaıtardy.

Naýryz aıynyń sońyna qaraı shyǵarylǵan Qazaqstan azamattarynyń jalpy sany 40 myń adamǵa deıin ósedi dep kútilýde.

Air Astana qazaqstandyqtardy otanyna qaıtarý úshin baryn salýda.
22 naýryzdan 14 sáýirge deıin Almaty men Nur-Sultan qalalarynda karantınge jáne eldegi tótenshe jaǵdaıǵa baılanysty reısterdiń 95 paıyzy toqtatyldy (2863 ornyna 140 reıs oryndalady), jáne 22 naýryzdan bastap barlyq ishki reıster toqtatyldy, 29 naýryzda halyqaralyq repatrıaııalyq reıster toqtatylady.

Halyqaralyq reısterdiń ózekti​ kestesi airastana.com saıtynda jarııalanǵan.

22 naýryzdan 14 sáýirge deıin áreket etetin tótenshe jaǵdaı kezinde áýe kompanııasy ishki tranzıttik jolaýshylardy túpkilikti núktesine deıin jetkize almaıdy.

Sońǵy jańalyqtar