Қарағандыда коронавирус жұқтырған екі адамның жағдайы қалай?

Қарағандыда коронавирус жұқтырған екі адамның жағдайы қалай?

Қарағандыда коронавирус жұқтырған екі адамның жағдайы қалай?
ашық дереккөзі
Қарағандыда COVID-19 коронавирус инфекциясымен ауырғандар туралы мәліметтер белгілі болды. Бұл туралы Тауарлардың және қызметтердің сапасы мен қауіпсіздігін бақылау департаментінің басшысы Қанат Асқаров мәлімдеді. Бүгінгі таңда Қарағанды облысында коронавирус екі адамнан табылды, 1971 жылы туған ер адам және 1972 жылы туған әйел. ҚазАқпараттың ақпарынша, дәрігерлер олардың жағдайын қанағаттанарлық деп бағалайды. Екі емделуші хаттама бойынша барлық қажетті ем алуда. Дерт жұқтырғандармен байланыста болғандардың барлығы оқшауланды. Қарағанды облысында коронавирусқа зертханалық диагностиканы Қарағанды Ұлттық сараптама орталығының вирусологиялық зертханасы жүргізеді. Ол қажетті жабдықтармен, COVID-19 тест-жүйелерімен жабдықталған. Коронавирустық инфекцияның таралуына жол бермеу үшін облыста тиісті шаралар қолданылуда. Ресми ақпаратты Тауарлар мен қызметтердің сапасы мен қауіпсіздігін бақылау департаментінің әлеуметтік желілердегі парақшаларынан және (8-7212) 50-76-46 жедел желі телефоны арқылы білуге болады.