Токио-2020: Ел қоржынында 36 жолдама бар
Токио-2020: Ел қоржынында 36 жолдама бар
Әзірге лицензиялардың басым көпшілігі боксшыларымызда. Кеше Иорданияның Амман қаласында өтіп жатқан бокстан Олимпиадаға іріктеу турнирінде ерлер құрамасы – 5, әйелдер боксынан ел қоржынына 1, жалпы саны 6 жолдама түсті. Жолдама саны жөнінен екінші орынды еркін күрес балуандары мен садақ атушылар өзара бөлісіп тұр. Аталған спорт түрлерінен төрт-төрттен барлығы 8 лицензия бар. 3 жолдамаға иелік еткен жеңіл атлеттер мен тасжолдағы велоспортта сынға түсетін спортшыларымыз үшінші орында. Сондай-ақ, ел қоржынында жүзу спортынан – 2, грек-рим күресінен – 2, әйелдер күресінен 2 жолдама болса, қазіргі бессайыстан тағы 2 лицензия бар. Иорданияның Амман қаласында өтіп жатқан бокстан Олимпиадаға іріктеу турнирі аяқталмағанын ескерсек, жолдамалар саны әлі арта түсуі әбден мүмкін.