Жексенбі, 4 Желтоқсан, 2022

Иранда 23 депутат коронавирус жұқтырған

Иран парламентінде 23 депутат коронавирус жұқтырған. Бұл туралы жергілікті БАҚ-қа сілтеме жасап РИА Новости хабарлады.

Спикер көмекшісі Абдолрез Месридің айтуынша, депутаттарға тұрғындармен байланысты шектеуге кеңес берілген. Осыншалықта адамның вирус жұқтырғанына қарамастан, Иран парламенті штатты режимде жұмыс істеп жатыр.

Соңғы үш аптада Иранда бір жарым мыңнан астам коронавирус жұқтыру дерегі тіркелді. 66 адам инфекцияның құрбанына айналған, тағы шамамен 300 адам емделіп шыққан.

Айта кетейік, бүгінде әлем бойынша қауіпті індетке шалдыққандардың жалпы саны 90936 адамға жетіп отыр.

Бүгін коронавирус жұқтыру дерегі Украинада анықталғаны жөнінде хабарлаған болатынбыз.  Украина денсаулық сақтау министрінің орынбасары Виктор Ляшконың айтуынша, вирус жұқтырудың алғашқы оқиғасы Черновцыда тіркелген.

Байқау айқын
Байқау айқын

Ұқсас жаңалықтар

Back to top button