Президент Халықаралық әйелдер күніне арналған шараларды өткізбеуді тапсырды

Президент Қасым Жомарт Тоқаев өзінің твиттердегі парақшасында қауіпсіздік шараларына байланысты әйелдер күніне арналған мерекелік шаралардың өтпейтінін хабарлады. «Халықаралық әйелдер күніне орай Нұр-Сұлтан қаласында жоспарланған салтанатты жиын мен мерекелік концертті өткізбеу жөнінде шешім қабылдадым. Бұл әлемде коронавирустың таралуына байланысты қауіпсіздік шарасы үшін жасалып отыр. Ардақты аналар мен аруларға зор денсаулық, бақ-береке тілеймін», – деді Мемлекет басшысы өз жазбасында.