Сәрсенбі, 30 Қараша, 2022

Электронды коммерция – ел дамуының кепілі

Қазір Қазақстан нарығындағы қаржылық технологияның заманауи үлгілері барынша оңтайлы қалыптасу үстінде. Сауда саттықтың онлайн үлгісі, электронды сауда, онлайн кредит рәсімдеу, электронды ақша аударымдар күн сайын қарқынды жүрілуде. Бір сөзбен айтқанда экономиканы цифрлық үлгіге көшіру біздің елде тұрақты түрде жаңару жолында келе жатыр.

Елбасы Нұрсұлтан Назарбаевтың Ұлт жоспары «100 нақты қадам» бағдарласмасында экономиканы цифрландыруды жеделдету жөнінде нақты бағыттар көрсетілген. Сол сияқты «Цифрлы Қазақстан» мемлекеттік бағдарламасындағы бағыттар бүгінгі таңда тәжірибе жүзінде сәтті жүзеге асуда. Қазір біздің елімізде қолма қол ақшасыз сауда жүргізу үрдісі дәстүрге айналып үлгерді.

2020 жылдың 18 ақпан күні Премьер-Министр Асқар Маминнің төрағалығымен өткен Үкімет отырысында Сауда және интеграция министрі Бақыт Сұлтанов электронды сауданы дамытудың жолдары жайлы баяндама жасады. Министрдің айтуынша Қазақстанда интернет арқылы сатытып алушылардың қатары өсіп, интернет дүкендердегі сатып алу көлемі 422 миллиард теңгеге жеткен.  «2019 жылы белсенді сатып алушылардың саны 72 пайызға артып, 3,2 миллион адамды құрады», – деді Б.Сұлтанов.  2000-нан астам интернет дүкен халыққа қызмет көрсетеді. Экономиканың цифрлық үлгіге көшуі тұтынушы үшін де, ұсынушы үшін де өте қолайлы дәстүр. Өткен жылы қолма қол ақшасыз жасалған төлемнің құны 14,4 триллион теңгеге жеткен.  Мұндай деректердің барлығы да біздің елдегі экономикадығы цифрланудың сәтті жүзеге асып жатқандығынан хабар береді. Қолма қол ақшасыз сауда жасау, онлайн аударымдар, электронды комерция саласы бойынша Қазақстан – Орталық Азиядағы көшбасшы мемлекет. 2019 жылы қыркүйек айында біздің елде тұңғыш рет ақшаны қолма қол емес жолмен электронды картанның көмегімен жүзеге асырған операцияның үлесі 52 пайызға жетті.  Мемлекет басшысының тапсырмаларына сәйкес Үкімет экономиканы цифрландыру шараларын барынша жылдамдатуда.

Қазақстандағы электронды комерцияның ең ірі көшбасшыларының бірі –Kaspi.kz. Біздің елде 6 миллион адам осы сервистің тұтынушысы. Бұл Қазақстан халқының үштен бір бөлігі.   Kaspi.kz қосымщасы арқылы ақша аударымдар, электронды төлемдер, сатып алулар, бонустар тағы да басқа заманауи игіліктерге қол жеткізе аласыз. Дәл қазіргі таңда бұл елдің нарықтық жүйесіндегі негізгі ойыншылардың бірі болып отыр. Бұл банктің аудитория сұранысына сай атқарып отырған қызметтері өте ауқымды. Мәселен  Kaspi Жұма деп аталатын акциясы кезіндегі сатылым өткен жылы 59 миллиард теңгеге жеткен. Акцияға барлығы компанияның 2000-нан астам серіктесі жұмылдырылған.

Еліміз иновациялық жобалардың жылдам әрі жүйелі іске асуына барынша мән беріп отыр.  2020 жылдың 24 қаңтары күнгі Үкіметтің кеңейтілген отырысында сөз сөйлеген Президент Қасым-Жомарт Тоқаев «Цифрлы Қазақстан» мемлекеттік бағдарламасы бойынша наурыз айында арнайы отырыс өткізетіндігін атап өткен. Мемлекеттің жалпы дауына елдегі экономикалық жүйенің цифрлық үлгіге көшуі көптеген кедергіні еңсеруге негіз бола алады. Мұны жақсы түсінген арнайы мамандар мен атқарушы билік электронды форматқа көшу жолындағы мәліметтер базасындағы кемшіліктер мен сәйкессіздікті реттеуге барынша басымдық бермек.

Б.Балықбай

 

Байқау айқын
Байқау айқын

Ұқсас жаңалықтар

Back to top button