Jas Otan Төрағасы қызылордалық жастармен кездесті

Jas Otan Төрағасы қызылордалық жастармен кездесті

«Jas Otan» ЖҚ Төрағасы Елнұр Бейсенбаев жұмыс сапары аясында 26-27 ақпан күндері Қызылорда облысына барды. Алғашқы күні ол күріш өндіретін «Абзал и К» ЖШС жұмысшы жастарымен кездесті. Аталған компанияның директоры «Jas Otan» ЖҚ Орталық кеңес мүшесі Мағжан Ералиев, кадрлардағы негізгі басымдықты жастарға бағыттайтындығын және жұмысшы жастардың еңбек пен демалысы үшін қолайлы жағдай жасайтындығын атап өтті. Сондай-ақ, жасотандық көшбасшы Қорқыт Ата атындағы ҚМУ  студенттерімен және оқытушыларымен кездесті. Студенттермен пікір алмасу барысында Елнұр Сабыржанұлы мемлекеттік жастар саясаты саласында жүзеге асырылып жатқан бағдарламалар бойынша пайдалы ақпараттармен бөлісті. Ол студент жастарға оқу орнының қабырғасында алған академиялық білімдерін ғана емес, сонымен қатар, болашақта пайдалы болатын басқа да мамандандырылмаған дағдыларды (soft kills) дамыту қажеттігін атап өтті.