Депутат Kaspi Gold карталарын қолданушыларға 3 пайыз салық төлетуді ұсынды
Депутат Kaspi Gold карталарын қолданушыларға 3 пайыз салық төлетуді ұсынды
Елордалық мәслихаттың депутаты Илья Мещеряков Kaspi Gold карточкаларын пайдаланатын Нұр-Сұлтан қаласының кәсіпкерлеріне жалпы табыстың 3 пайызын төлеуге міндеттеу туралы ұсыныс жасады.
Депутат өз бастамасын астаналық мәслихаттың бюджет, экономика, өнеркәсіп және кәсіпкерлік жөніндегі тұрақты комиссиясының отырысында айтты, деп хабарлайды Sputnik Қазақстан
"Егер біз кәсіпкерлерге, Kaspi банкіне жеке кәсіпкер ретінде байланған адамдарға жеке табыс салығы бойынша барлық кірістерден 3% салық төлеу керектігін түсіндіру керекпіз. Барлық кірістердің 3%-ы онша көп ақша емес. Бір миллионнан - 30 мың, 10 миллионнан - 300 мың теңге", - деді Илья Мещеряков.
Депутат астаналық кәсіпкерлерді ынталандыру ретінде танымал жарнамалардан: "Төлеңдер және тыныш ұйықтаңдар", сондай-ақ "Пайдалы болуға деген адалдық" ұрандарына тоқталды.
Енді жеке тұлғалардың аударымдары туралы ақпарат банктік құпиямен қорғалады және Мемлекеттік кірістер комитетіне берілмейді. Елордалық Мемлекеттік кірістер департаментінің басшысы Құлмұханбет Исақов банкпен белсенді келіссөздер жүріп жатқанын атап өтті.
"Өткен жылы белгілі бір келісімге қол жеткізілді. Kaspi bank басқа Kaspi Business төлем карточкаларын шығарады және төлемдерді бөлуге тырысуда", - деді басқарма басшысы.
"Егер бұл жүйе банкте енгізілсе, кәсіпкерлік қызметпен байланысты емес төлемдер мен аударымдар Kaspi Gold карталары арқылы өтеді. Бизнесті жүргізетіндерге "Kaspi Business" картасы ұсынылады және бұл карталардағы барлық мәліметтер мемлекеттік кірістер комитетіне беріледі", - деді Исаков.
"Біз нақты салықтардан үлкен шығындарды көріп отырмыз, өйткені бұл карталарды әркім қолданатыны жасырын емес. Біз адал жолмен жұмыс жасау, pos-терминал арқылы төлем жасау және қолма-қол ақшаны қайтару түрінде пайызды алу пайдалы екендігі үшін адамдарды қызықтыруға тырысамыз", - деп қорытындылады елордалық департамент басшысы.
Өткен жылдың күзінде қазақстандықтар қаржы министрлігінің ғаламтордағы ақша аударымдары мен аударым салықтарын енгізу туралы жаңалықтарына қатаң жауап берді. Қазақстан президенті Қасым-Жомарт Тоқаев азаматтарды қолдап, барлық тетіктерді мұқият пысықтай отырып, мәселені күн тәртібінен алып тастауды тапсырды.
Қаржы министрлігі рәсімдерді жеңілдетуге және қолма-қол ақшасыз есеп айырысудың заңды балама әдістерін жасауға уәде берді.