Бейсенбі, 1 Желтоқсан, 2022

Димаш қатерлі дерттен көз жұмған тыңдарманына ән арнады (видео)

Татарстан астанасында концерт берген Димаш Құдайберген әндерінің бірін өзінің жанкүйері болған, онкологиялық дерттен көз жұмған татар қызы Лейсан Сейтназароваға арнады, – деп жазды ҚазАқпарат.

Қазақстандық әнші Қазан қаласына ARNAU TOUR 2020 әлемдік турнесі аясында келді.

Димаш кеш барысында орындаған композициялардың бірін бала кезінен онкологиялық сырқатпен күрескен Лейсан Сейтназароваға арнады. Жас қыз әншінің шығармашылығын жан-тәнімен ұнатқан. 2019 жылы Д.Құдайберген науқас қыз WorldSkills Kazan шарасының жабылу салтанатына бара алмағандықтан, хосписке арнайы барып, онымен кездескен болатын.

«Лейсан өзіне сүйікті орындаушысы келетінін соңғы сәтке дейін білген жоқ. Кейін кездесуді ұйымдастырушылар оның таңғалған күйін айтып жеткізуге лайықты сөздер таба алмаған. 21 жастағы Лейсан Димашпен кездескеннен кейін төрт айдан соң көз жұмды. Ол оның ең асқақ армандарының бірін орындады. Концерт барысында әнші Лейсанды әлі ұмытпағанын айтып, оны «қарындасым» деп атады», – деп жазады Татар-информ.

«Татнефть Аренадағы» концерт көрермендерге лық толы болды. Фанаттар Татарстанның, Ресейдің түкпір-түкпірінен, тіпті Канада, Финляндия және Қазақстаннан барған.

Байқау айқын
Байқау айқын

Ұқсас жаңалықтар

Back to top button