Әскерде 40-қа жуық дүнген бар: Министрлік депутаттың сөзі шындыққа жанаспайтынын айтты

Әскерде 40-қа жуық дүнген бар: Министрлік депутаттың сөзі шындыққа жанаспайтынын айтты

Қазақстанда дүнген ұлтының қырыққа жуық жігіті әскерде борышын өтеп жатыр. Бұл туралы қорғаныс министрлігі мәлім етті, деп хабарлайды Sputnik Қазақстан. 

Бұған дейін мәжіліс депутаты Бақытбек Смағұл өзінің Facebook-тегі парақшасында "бірде-бір дүнген қазақ әскерінің қатарында қызмет етпейтіні" туралы жазған. "Әлеуметтік желілерде тараған дүнгендердің әскери қызметтен бас тартатыны туралы ақпарат шындыққа жанаспайды.Қазақстанда дүнген ұлтынан 40-қа жуық сарбаз мерзімді әскери қызметін атқарып жатыр.Жалпы 2019 жылы 30 мыңнан астам сарбаз шақырылды, оның ішінде қазақтар, орыстар, татарлар, немістер, украиндар, ұйғырлар, өзбектер және басқа ұлт өкілдері бар", - деп хабарлады Қорғаныс министрлігі.

Сонымен қатар, ведомство әскерге шақырылушыларды іріктеу кезінде олардың ұлты емес, тән саулығы, психологиялық және моральдық орнықтылығы, жеке қасиеттері басты өлшем ретінде қарастырылатынын атап өтті.