Airbus пара бергені үшін 3,6 млрд еуро айыппұл төлейді

Airbus еуропалық авиақұрылысы корпорациясы Франция, Ұлыбритания және АҚШ-пен сыбайлас жемқорлыққа байланысты тергеуді тоқтату туралы келісім аясында 3,6 млрд еуро төлейтін болды, – деп жазды ҚазАқпарат euronews.com сайтына сілтеме жасап.

Компания бірқатар сыбайлас жемқорлық істер бойынша өзінің кінәсін мойындады, 13 жылдан бері 16 елде заңсыз жұмыс істеп келген. Олар жаңа нарыққа шығу үшін азаматтық және әскери келісімшарттар жасау кезінде шенеуніктер мен кеңесшілерге пара беріп отырған. Сыбайлас жемқорлық ісімен жылдық бюджеті 270 миллион еуроны құрайтын стратегиялық жоспар және маркетинг департаменті айналысқан.

Фрнацияның қаржы прокуратурасының мәліметіне сүйенсек, Airbus-тың осындай жолмен тапқан кірісі миллиард еуродан асқан. Енді Франция Airbus компаниясынан – 2,1 млрд еуро, Ұлыбритания – 984 млн еуро, АҚШ – 526 млн еуро алатын болды.

Сыбайлас жемқорлық бойынша тергеу төрт жылға созылды. Компания тергеушілерге 30 миллион құжат ұсынған.

Ұқсас жаңалықтар

Back to top button