Қытайда коронавирустың таралу аймағы кеңуіне байланысты жергілікті билік тағы бір қаланы карантинге жапты.
Оқшауланған қалалар қатарына Сяньнин қосылды. Қазіргу уақытта бұл жерде қоғамдық көліктердің қозғалысы тоқтатылған. Бұдан бөлек, РИА Новостидің мәліметінше, Чиби, Эчжоу, Хуанган және Ухань елді мекендерінде автобустар жүрмейді.
Бұған дейін коронавирустың таралуына байланысты Қытайдың Ухань және Хуанган қаласы оқшауланған болатын. Аталған қалаларда қоғамдық көліктер мен пойыздардың қозғалысы тоқтатылды. Сондай-ақ, ойын-сауық шараларын өткізуге тыйым салынды.
Жергілікті ақпарат құралдарының хабарлауынша, Ухань тұрғындары дүрбелеңге салынып, дүкен сөрелеріндегі азық-түліктерді таласып алуда. Кейбіреулері тіпті, жаға жыртысуға дейін барып жатыр.