Орталық сайлау комиссиясының жаңа мүшесі тағайындалды

Орталық сайлау комиссиясының жаңа мүшесі тағайындалды ҚР Парламенті Мәжілісінің жалпы отырысында Ерлан Сламханұлы Дауылбаев Орталық сайлау комиссиясының жаңа мүшесі қызметіне тағайындалды. Бұл туралы ҚазАқпарат жазды.  «Ерлан Сламханұлы көп жылдар бойы әділет саласында жұмыс істеді. Орталық сайлау комиссиясы жүйесінде де қызмет етті. Соңғы уақытта Шымкент қалалық аумақтық сайлау комиссиясының төрағасы болды», – деді Парламент Мәжілісінің төрағасы Нұрлан Нығматулин. Әрі осы уақытқа дейін Дауылбаевтың өзін жоғары біліктілігі бар заңгер ретінде көрсете алғанын атап өтті.