"Қазтелерадиоға" жаңа басшы келді
"Қазтелерадиоға" жаңа басшы келді
"Қазтелерадио" акционерлік қоғамының басқарма төрағасы болып Асқар Мұқанметжанұлы Нұрымжанов тағайындалды. Бұл туралы ведомствоның баспасөз қызметі хабарлады.
Асқар Мұқанметжанұлы Нұрымжанов 1972 жылы Алматы қаласында дүниеге келген.
Ол 1999 жылы Алматы халық шаруашылығы институтын "экономика және менеджмент" мамандығы бойынша, 2009 жылы Алматыдағы Халықаралық Бизнес Академиясының МВА бағдарламасы бойынша, 2014 жылы Халықаралық Бизнес Мектебін DBA бағдарламасы бойынша тәмамдады.
Нұрымжанов "Іскерлік әкімшілік докторы" академиялық дәрежеге ие.
Еңбек өтілін "Қазақтелеком" АҚ (Алматы қ.) ішкі аудит және есептік саясат қызметінің жетекші маманы, сосын қаржы департаментінің жетекші маманы ретінде бастаған.
2003 жылдан бастап қаржы департаменті директорының орынбасары, ал 2006 жылдан бастап 2016 жылға дейін Ақмола облыстық телекоммуникациялар дирекциясы бас директоры лауазымында қызмет етті.
2016 жылдан 2017 жылға дейін Ұлттық Банктің ақпараттық технологиялар департаментінің директоры болып жұмыс істеді.
2018-2019 жылдар аралығында "Қазақстан" РТРК АҚ басқарма төрағасының бірінші орынбасары лауазымында қызмет етті.