Атақты француз актрисасы Тоқаевтан көмек сұрады

Атақты француз актрисасы Тоқаевтан көмек сұрады

Атақты француз актрисасы Брижит Бардо Президент Қасым-Жомарт Тоқаевқа хат жазды. Актриса хатында Қазақстанның жануарларға қатыгездікпен қарайтынын айтып шағымданған, деп хабарлайды Tengrinews.kz. «Қазақстан Республикасының Президенті Қасым-Жомарт Тоқаев мырза, сізге еліңіздегі қаңғыбас жануарлардың тағдырына деген аянышымды білдіру үшін хат жазып отырмын. Әлі де хаттар келіп жатыр - иттер мен мысықтар қырылып жатыр. (...) Мұндай қатыгездіктің шегі жоқ сияқты. Мысалы, Атырау мен Орал сияқты қалаларда жануарларды жансыздандырып, сал етіп, өртеп жатыр. XXI ғасырда осындай азапты қалай ғана елестетуге болады? Мұндай әрекет жасайтындар, әсіресе Францияда және әлемнің басқа елдерінде «есалаң адам» деп саналады және олар ұзақ уақытқа түрмеге қамалады. Президент мырза, сізден қаңғыбас иттерге назар аударуыңызды сұраймын. Зарарсыздандырып, еліңіздегі жануарларды қорғайтын адамдармен жұмыс істеп, жануарларды қорғайтын заң әзірлеуді сұраймын. Президент мырза, мен осы мәселені шешу мақсатында қордың өкілін жібере аламын. Үмітпен, Брижит Бардо», – деп жазды актриса.