29 Қараша, 16:13 216 0 Әлеумет Анар ЛЕПЕСОВА

Елордада үлкен айналма жол ашылды

Бүгін Үкімет басшысы Асқар Мамин Нұр-Сұлтан қаласының үлкен айналма жолында көлік қозғалысын ашты, деп хабарлады "ҚазАвтоЖол" ҰК баспасөз қызметі.

Салтанатты шараға Нұр-Сұлтан қаласының әкімі Алтай Көлгінов, Қазақстан Республикасының халықаралық автомобиль тасымалдаушылары одағы өкілдігінің директоры И.Г.Янсон, мердігер ұйымдар мен техникалық бақылау қызметтерінің өкілдері қатысты.

8ded1fa72c4ae0dcb6e93ace5ebd1dc0.jpg

"Нұр-Сұлтан қаласының үлкен айналма жолы" жобасы бойынша құрылыс-монтаж жұмыстарын 2017 жылдың желтоқсан айында "СиньСин" КГК КФ және "ҚазГерСтрой" СП" ЖШС құрылыс консорциумы бастаған. Айналма жолдың ұзындығы 34 шақырымды құрайды. Қайта жаңарту жұмыстарынан кейін тас жол І техникалық санатқа келтіріліп, ені 7,5 метрді құрайтын толық 4 жолақты автожол болады, - делінген компанияның хабарламасында.

Айналма жолын қайта жаңарту жұмыстары күрделі инженерлік жобалардың бірі болып табылады. Оның құрамына 4 жол айрығы мен 3 көпірдің құрылысы кіреді.

1000-нан астам білікті маман жұмылдырылған мердігер ұйымдардың тиімді және бірлескен жұмыстарының нәтижесі бойынша елорданың көлік жүйесінің жүктемесі азайып, жолаушылардың уақыты үнемделеді. Сонымен қатар, Нұр-Сұлтан қаласындағы экологиялық жағдайға да игі әсері тиеді деп жоспарлануда.

Салтанатты іс-шараның барысында Асқар Мамин автожолдардың құрылысы мен қайта жаңарту жұмыстарында қолданылатын жаңа технологиялар мен материалдар ұсынылған ашық экспозициялармен танысты.

Шараны қорытындылай келе, Қазақстан Республикасының премьер-министрі батырманы басып, Нұр-Сұлтан қаласының үлкен айналма жолындағы көлік қозғалысын ашты.

Соңғы жаңалықтар