Шынар Асқарова, актриса: Мінін айтқанға кектенетіндер көп

– Қазақтың әдебиеті мен мәде­ние­тіне талай талантты тарту еткен қасиетті Семей топырағында дүние­ге келген ару болашақта кім болам, қайда барам деп көп бас қа­тыра қоймаған болар. Әйтсе де, қар­шадай қыз таңдаған жолының ауыр­лығынан жүрексінбеді ме?

– Өнер жолына түсу, халықтың адамы болу – ес біліп, етек-жеңімізді жинаған сәттен бергі асыл арман болатын. Әкеме жүрек қалауымды айтып, болашаққа жоспарларым туралы ақылдасқанда, ол кісі өнердің кез келген адам төтеп бере алмайтын қиын жол екенін, әсіресе, қыз бала үшін ауыртпашылығы ерек болатынын үнемі ескертетін. Жаспыз ғой, бірін ұқсақ, бір сөзінің астарына үңіле бермейтінбіз. «Әке, сахнаға шығып, жаттап алған екі ауыз сөзді айтып бере алмайды дейсіз бе? Әлде камераның алдында абдырап қалады деп қорқасыз ба?», – деп өз уәжімді айтып, қарсыласып шыға келетінмін. Ұмытпасам, сегізінші сыныпта болуы керек, сауалнама толтыру кезінде «болашақ мамандығыңыз» деген тұсқа «актриса» деп жаздым. Содан бастап арманыма қарай адымдай бердім. Мәнерлеп оқудан, ән айтудан, би билеуден қай жерде байқау өтіп жатса, сол жерде мен жүретінмін және үнемі жүлделі орыннан көрінетінмін. Ал Алматыға, өнер институтына барамын деген нық шешім қабылдауыма ауылдағы мәдениет үйінде істейтін Серік Жұматов деген ағамыздың кеңесі ықпал етті. Мәдениет үйінің басшы­лығы менің сол шаңырақта қалып, қызмет еткенімді қалаған болатын. «Әлі жассың ғой, оқуға келесі жылы барсаң да болады. Осында қалып, бір жыл тәжірибе жина, сонда институтқа барғанда қиналмайсың» деп үгіттеді. Ал Серік ағай: «Шынар, сен өнер үшін жаралған адамсың. Бойыңдағы Құдай берген дарынды бүгіннен бастап шыңдамасаң, қарайып қаласың. Ауылда мен сияқты қалып қоймауың керек. Қалмайсың да!», – деп мені қайрап, қанаттандырып жіберді. Ағаның сол бір ауыз сөзі себепші болып, арман мен аманат арқалап, Алматыға тартып кеттім.

«Ұстаз деген ұлағатты атауды есті­генде, күні бүгінге дейін өзімді шәкірт­тей сезінемін», – деген екен Мәлік Ғабдуллин. Менің де аттары аталса, ойыма шәкірттік қарызым, аузыма алғысым қатар түсетін аяулы ұстаздарым көп. Бағым шығар, институтқа келе сап, Хадиша Бөкееваның сыныбына, Тұңғышбай Жаманқұловтың курсына қабылдандым. Сол кезден бастап бізге біртуар сахна саңлақтары, атағы мен даңқы бүкіл одақтас республикаға жайылған өнер майталмандары сабақ берді. Хадиша Бөкеева мен Тұңғышбай Жаманқұловың берген тәлім-тәрбиесі өз алдына, сонымен қатар, Оралхан Бөкей, Асқар Тоқпанов, Әшірбек Сығай ағаларымыздың дәрісін тыңдадық. Олардың әр сөзін қалт жібермей, қағазға түртіп, көкейімізге тоқып алуға тырысатынбыз. Өйткені өнер дейтін даңғыл жолда ұлағатты ұстаздардың өнегесі мақсатымызға қарай бастайтын тұсбағдар болатынын білдік.

– Әріптестеріңіз өнер институты бере алмаған білімді сахналас аға-әпкелердің академиясынан ал­ған­дарын айтып жатады. Театр қабыр­ға­сына келген соң сіз де талай сахна шеберінің мектебін тауысқан болар­сыз?

– Білім ошағында алған білімің бір төбе болса, театрдағы сахналастарыңнан жинайтын тәжірибең бір төбе. Актердің қалыптасуында әр мектептің өз орны бар. Бірінің беретінін екіншісі бере алмайды. Үстелде отырып, дәптерге түрту арқылы көкейге тоқу бөлек болса, бір сахнада тұрып тілдесу, үндесу арқылы үйрену мүлдем басқа.

Институтты бітіре салып, 1993 жылы Әзірбайжан Мәмбетов басшылық еткен тұста театрға келдік. Қазақ театр өнерінің қара шаңырағында қызмет ету бір мәртебе болса, қазақ өнерінің заңғары Әзірбайжан Мәдиұлының мектебінен өту одан да биік белес болатын. Жауапкершіліктің жеңіл болмайтынын сездік.

Мен келгенде театр араға бірнеше жыл салып, Мұхтар Әуезовтің «Қара­гөзін» қайта сахналағалы жатыр екен. Режи­ссерге қойылымды он шақты күн­нің ішінде дайындау міндеттелген. Спектакльдің бұрынғы актерлік құрамын жастармен алмастыру міндеті тағы бар. Оған дейін Қарагөзді Фарида Шәріпова мен Меруерт Өтекешова апаларымыз ойнаса, енді басты рөлдерге жаңадан келген актер мен актрисалардың бірін бекітпек екен. Таңдау Ерлан Біләлов екеумізге түсті. Әлі қанаты қатайып үлгермеген актрисаға Шолпан Жандарбекова, Бикен Римова апайларымыздың көп септігі тиді. Ақылдарын айтып, образды қалай ашу керегін, көрерменнің жүрегіне жол табудың жолдарын түсіндірді. Хабиба апам да үнемі қолдап-қолпаштап жүрді. Сүрініп кетпесін, жығылып қалмасын деп демеді. Сол кісілердің қолдауының арқасында аз уақыт ішінде образымның қыр-сырына қанығып, өзіме жүктелген міндетті абыроймен алып шықтым.

– Сізді көбіне трагедиялық жанр­дағы қойылымдардан көреміз. Коме­диялық образдар оң жам­ба­сы­ңызға келмей ме дейін десек, У.Гаджибековтың «Аршын мал ала­нындағы» Теллиді көргеннен кейін олай деуге қақымыз жоқ. Режис­серлер неге сізге күлкілі кейіп­керлерді ұсынбай жүр?

– Театрымыздың репертуарында комедия көп емес. Сондықтан бәрімізге бірдей күлкілі кейіпкер бұйыра бермейді. Өзіңіз айтып отырған Теллиден бөлек, жуырда Гогольдың «Үйленуіндегі» Фекла Ивановнаның рөліне бекітілдім. «Үйлену» театрдың репертуарында біраз уақыттан бері болғанымен, мен үшін бұл спектакль премьера болды. Әріпестерімнің қолдауы мен көмегінің арқасында Фекла Ивановна да қоржыныма сәтті рөлдердердің бірі боп енді. Спектакльді тамашалаған әріптестерім оң бағасын берді, көрермен де жылы қабылдады.

– Спектакльдердің әдетте екі, кейде үш актерлік құраммен қойы­латынын білеміз. Бұл актерлердің үз­дік болуға деген ұмтылысын арт­тырып, қарым-қабылетін шыңдай түсуіне оң ықпал етері талассыз. Алайда кейбір жөнсіз шендестірулер, біріңдікі бүтін, біріңдікі жарым деген салыстырмалы баға бір актердің сағын сындырып, екіншісін «жұл­дыз» ауруына ұшыратпай ма?

– Әр құрамның ойынын көргеннен кейін мамандар бағасын беріп, бірінің артық кеткен, бірінің қалыс қалған тұстарын салыстырмалы түрде айтып, өз бағаларын береді. Бірақ актерлердің сағын сындырып, намысына тиетін жағдайларға жол берілген емес. Меніңше, бір қойылымға бірнеше актерлік құрамды дайындаудан ұтаты­нымыз көп. Бәсекелестік арқылы әртіс­тердің актерлік шеберлігі шыңдалады, бір-біріне қарап бой түзейді. Пьеса біреу, сомдайтын кейіпкер ортақ болғанымен, әр актер оны әрқалай жеткізеді. Өйткені әркімнің құбылыстарды қабылдауы, өзгерістерді сезінуі әр түрлі. Бірақ бәрі де ортақ меже – режиссер белгілеген міндетті орындауға тиіс. Ал қандай жолмен, қандай амал-тәсілдермен орындалатыны әр актердің өз еншісіне беріледі. Демек, бірнеше құрамды қатар дайындау барысында актерлердің қызығушылығы мен ізденісі артады, өз қолтаңбасын қалыптастыруға ынтасы күшейеді. Әр актер өз реңкін қосқан соң, образдың бояуы қаныға түспек.

Спектакль көрерменге жол тартқан соң әр көрермен өзі үшін үздігін таңдап алады да, үнемі сол құрамның ойынына тап келуге тырысады. Қойылымға мән-мағынасы үшін емес, сүйікті актерін көру үшін ғана келетін адамдардың көп екенін ұмытпаған жөн.

– Бексұлтан Жәкиевтің «Жү­рейік жүрек ауыртпай» шығар­­ма­сындағы келіннің рөлін Данагүл Темірсұлтанова, Шынар Жаныс­бековамен бірге үш құрамда ойнап жүрсіздер. Сөзі майда, үні жұмсақ, әдетте жағымды рөлдерді сомдайтын Шынар Асқарованы осы рөл арқылы жаңа қырынан таныдық. Режиссер образды аша алатыныңызға сенімсіздік танытқан жоқ па бастапқыда?

– Жоқ, Есмұхан Обаев титтей де күмәнданған жоқ. Ол актерлердің қарым-қабілетін жазбай танитын кісі ғой. Бекітті де, мәтінді қолыма ұстатты. Режиссер сенгенімен, әріптестерім мұндай образды сомдай алатыныма күмән білдірді. «Шынар, сенің мінезің тым жұмсақ. Тілі уытты, мінезі шайпау келінді ойнай алар ма екенсің?» деп сенімсіздік танытқандар көп болды. Бірақ актриса болған соң, мына образ маған жарасар ма екен, табиғатыма келер ме екен деп ойланып тұрмайсың. Берілген тапсырманы бұлжытпай орындауға міндеттісің. Мамандардың берген бағасына, көрерменнің жазған пікірлеріне қарап, өзіме жүктелген міндетті жоғары дәрежеде орындадым деп ауыз толтырып айтуға болатын шығар. Әсіресе, марқұм Әшірбек Сығай ағамыз үш құрамның да ойынын көріп, мен сомдаған келінге ерекше ықыласын білдірген болатын.

– Қоржыныңызға көз тастасақ, театрда, кинода сомдалған аналар образының тұтас галереясын көреміз. Солардың ішіндегі жарқын бейнелердің бірі – «Әпкедегі» жетімектердің анасы. Сіздіңше, қазақ қоғамында жәутеңкөздер мен өз қағынан жеріген көкек аналардың көбеюіне не себеп?

– Өз құрсағынан шыққан баладан құтылудың сан түрлі амалын жасап жүрген сіңлілерім, замандастарым жайлы, олардың ойланбай басқан қадамының кесірінен болашағы баянсыз болатын бейкүнә сәбилер туралы естігенде, жүрегім қарс айрыла жаздайды. Өз қағынан жеритін аналарды ештеңемен ақтап ала алмайсың. Әйтсе де, оларды соған итермелеп отырған құбылыстарға да көз жұма қарауға болмайды. Меніңше, жас аналар мұндай жағдайға шарасыздықтан, әлеуметтік жағдайдың қиындығынан немесе отбасылық қарым-қатынастардың ушығып кетуінен барады. Ер азаматының құлдырап бара жатқанын, отбасының керегесі қақырап, шаңырағы шайқалайын деп тұрғанын сезгенде бала үшін жауапкершілікті жалғыз арқалаудан жүрексіне ме екен, кім білсін? Әлде «әке-шешесінің аялап отырған қызы оң жақта отырып туып алыпты» деген сөзге қалам, ата-ананың қарғысына ұшыраймын деген үрейге жеңдіріп қоя ма? Мен қандай жағдайда да, өзге туралы пікір білдіру үшін өзімді оның орнына қойып көремін. Сан рет көкек аналардың жағдайына еніп көруге тырысқаныммен, қателіктерін, жо-жоқ, қылмыстарын ақтап ала алмадым. Мейлі, жігітің арыңды кірлетіп, тастап кетсін, мейлі ішерге асың, киерге киімің болмай, отбасыңның берекесі кетсін – мұның ешқайсысы да баланы тірі жетім етуіңе сылтау бола алмайды.

Біз қыз бала тәрбиесін ақсатып алған сияқтымыз. «Қызға қырық үйден тыйым» деген тәмсілді жаңа заманға сай дұрыс әдіптеп жүрміз бе деген сұрақ туады. Ата-ана перзентімен кез келген тақырыпта ашық сөйлесіп, қандай жағдай болса да өздеріне арқа сүйей алатынын білдіруі керек. Басына түскен жағдайды қыз бала өз әке-шешесінен жасырса, демек, олардан қолдау таба алмаймын деп қорқады. Әсіресе, өтпелі кезеңде жасөспірімдер ата-ананың салиқалы ақыл-кеңесіне, демеуіне мұқтаж. Мектепте де арнайы тәрбие сағаттары ұйымдастырылып, отбасылық қарым-қатынастар туралы түсіндіру жұмыстары жүргізілуі тиіс деп ойлаймын.

Мен өте балажанмын. Кішкентай бала көрсем, маңдайынан иіскегім кеп тұрады. Бұрын тұрмыс құрмаған кезімде, жатақханамыздағы бүкіл бала менің төбем көрінсе, алдымнан жүгіріп шығатын. Соларға ұстатамын деп сөмкеме үнемі тәтті-пәтті салып жүретінмін. Өзге түгілі, өз баласына емірене алмайтын аналарды көремін де, қайран қаламын.

– Өз үйіңізде де бір шаңырақтың ұйытқысы болар ару өсіп келеді. Бала тәрбиесіндегі ұстанымдарыңызбен бөліссеңіз…

– Динара отбасымыздағы жалғыз перзент болғандықтан ба, әкесі екеуміз бар мейір-махаббатымызды сол қызымызға арнаймыз. Бірақ оның бойында еркеліктің зәредей нышаны жоқ. Ақылды, зерек болып өсті. Кішкентай күнінде де артық қыңқыл-сыңқылы болмады, тамақ ішісі тиянақты, ұйқысы тыныш болды. Көршілеріміз: «Осы елдің балаларының дауысы қабырғаның ар жағынан естіліп тұрады. Ал сендердің қыздарыңның қыңқ еткенін естімейміз, жылай ма өзі?» деп таңырқасатын.

Өнер адамы болғандықтан, көбіне сыртта жүреміз, гастрольмен ел-жер аралап кетеміз. Қызыма жөнді көңіл бөле алмадым, кейін соның кесірі тимей ме екен деп алаңдайтынмын. Құдайға шүкір, қазір уайымдауға еш себеп жоқ екеніне көзім жетеді. Қай нәрсені болса да асықпай таразылайтынын, үлкен адамдарша салмақтайтынын байқаймын. Оның сыры біреу ғана: былдырлап бесікте жатқан кезінен бастап онымен ересек адамша сөйлестім. Білетін ертегілерімді айттым, ән де салып бердім. Тәрбиенің негізгі құралы – тіл екені бесенеден белгілі. Тілі шықпаған сәби ештеңені түсінбейді деген қате ұғымның кесірінен біз балаға саналы тәрбие беруді тым кеш бастаймыз. Қазір Динара біздің театрдың сахнасында бірнеше рөлді сомдайды, кинодан да көрініп үлгерді. Анасының жолын жалғастырғалы жүр ме, білмеймін. Өнер жолын таңдап жатса, қалауына қарсы шықпаймыз. Бірақ әкемнің кезінде өзіме айтқан ақыл-кеңесінің, ескертпелерінің бәрін қазірден бастап қызымның құлағына құйып жүрмін. Өнердің сыйынан гөрі сынағы көп екенін, үнемі ізденісті талап ететінін түсіндіріп бағамын. Егер қиындығына төтеп бере аламын деп шешсе, біз демеу болуға дайынбыз.

– «Артық қыламын деп, тыртық қылатын» сыншылар талай әртістің беделіне кір келтірді» деген екенсіз бір сұхбатыңызда. Бүгінгі театр сынына көңіліңіз толмайтын сияқты…

– Сынға үрке қарайтындардың, мінін айтқанға кектенетіндердің қатарынан емеспін. Сын өнер адамының шыңдалуына оң ықпал етеді. Бірақ сын шын болмайынша, өсе алмайтынымызды ұмытпаған жөн. Кейбір сыншы қойылым я кинодан гөрі, оның авторларының немесе актерлердің жеке басын таразыға салып кетеді. Қаламының қуатымен көпшіліктің алдында өнер адамының беделін түсіру, абыройына нұқсан келтіруді мақсат тұтатындардың жазғанын да оқып жүрміз. Бүгінгі күнге дейін көргеніміз бен түйгеніміз көп болғандықтан сыншының көздеген мақсат-міндетін, астарлап айтқан ойын аңғара аламыз. Ал дұрыс пен бұрысты айырып үлгермеген жастар ше? Өнеріне жөнсіз шүйліккендердің кесірінен олардың сағын сындырып аламыз ба деп қорқамын. Тек біздің салада ғана емес, кез келген ортада ілгерілеу болуы үшін жібі түзу сын керек.

– Ілгерілеу демекші, әбедиет пен өнер өкілдерін жетістікке жетелейтін тағы бір күш бар. Ол – жүлде. «Оскар» немесе «Эммиді» қанжығаға байлағаннан кейін өмірі өзгеріп сала берген Голливудтың талай актерін жіпке тізуге болады. Ал қазақ актерлерінің ұмтылар биігі қайсы?

– «Оскардың» өзге тілдегі шетел туындыларын марапаттайтын арнайы аталымы болғанымен, одан отандық киномыз да, ондағы актерлер де әзірге дәмелене алмай тұрғаны белгілі. Халықаралық деңгейге ұмтылмас бұрын өнер адамдарына әуелі өз жерімізде лайықты марапат көрсетіп жүрміз бе деген сұраққа жауап беріп көрейікші. Биыл 11-ші рет өткізілген «Еуразия жұлдыздары» немесе «Шәкен жұлдыздары» кинофестивальдерінің қалай өткізіліп жатқанын, кімнің қатысып, кімнің жеңімпаз атанғанын да жұрт білмейді. Өйткені насихат аз. Актерлер мен режиссерлердің қызыл кілеммен жүріп өткенінен басқа ештеңені көрмейміз. Үміткерлер халыққа алдын-ала кеңінен таныстырылса, байқау барысы барлық БАҚ арқылы жарияланып отырса, өнеріміздің тынысы ашылар еді. Прокатының 90 пайызын голливудтық туындылармен толтырып қоятын отандық кинотеатрларға не деп кінә артасың? Отандық өнімнің жарнамасы шетелдікінің тасасында тығылмай, керісінше, көш ілгері тұрса, кинотеатрлар таласып көрсетер еді.

Рөлдеріміздің көпшілігі театр­да болған соң, киноға қарағанда теа­тр фестивальдері мен жүлделе­рі­нен күтеріміз мол. Театр қайрат­керлері одағының төрағасы Тұңғышбай Жаманқұловтың ұйымдас­тыру­шы­лығымен бірнеше жылдан бері дәс­түрлі түрде тапсырылып келе жат­қан «Еңлікгүл» сыйлығы қаншама қойы­лымның лайықты бағаланып, театр саласында табысты қызмет етіп жүрген талай маманның еңбегі ескерілуіне себепкер болды. Орталық Азия мемлекеттерінің халықаралық театр фестивалі мен «Сахнадан сәлем» фестивалі де қазақ театр өнерінің дамуына сүбелі үлес қосып жүргендерді одан әрі табысты еңбек етуге ынталандырып жүр. Өз театрымызда жыл сайын өтетін «Театр көктемі» фестивалі де біз үшін үлкен мереке. Әсіресе, театр жастары үшін танылуға, есімін қалыптастыруға жақсы мүмкіндік. Қазір рөлдердің басым көпшілігі жас актерлердің еншісінде. Біз секілді 40-тан асқандар бұрыннан ойнап жүрген рөлдерін місе тұтуға мәжбүр. Мынадай образды сомдағым келеді, мен үшін осындай спектакль қойыңдар немесе мынадай кино түсіріңдер деп режиссерлерге айта алмайсың ғой. Жақсы ұсыныс түскенін, оң жамбасыңа келетін рөл тигенін күтіп жүресің. Театрымыздағы үлкен кісілер тіпті бірлі-жарым рөлді талғажау етіп жүр. Театрдағы 70 актердің бәріне күнде жаңа рөл қайдан бұйырсын? Сондықтан жастық шақтың мүмкіндіктерін қалт жібермей пайдаланған жөн. Бүгін талмай еңбектенсе, ертең соның жемісін жейді.

– Отандық кинопрокат туралы әңгімеңізді ілгерілете түскім келіп отыр. Көрсетілім кестесіне қойылған күннің өзінде уақыт жағынан қысымға ұшырайтын төл туындыларымыздың тіршілігі жарнамадан бөлек талай түйткілге тіреліп тұр. Олардың түйіні қашан тарқатылады, қазақ киносы қашан еңсесін тіктейді?

– Отандық киноиндустрияның кемшілігін жіпке тізіп, қатесін санай беретін болсақ, төл киномыздың көші ешқашан түзелмейтіні анық. Оның жылт еткен жетістіктерін көріп, жарқыратып көрсету арқылы ғана одан әрі дамуына серпін бере аламыз деп ойлаймын. Мәселен, соңғы уақытта теледидардан ұсынылып жүрген отандық телехикаялардың саны да, сапасы да көңіл қуантады. Тірлігінің бәрін жиыстырып қойып, үнді, түрік сериалдарын күтетін көрермен осы күні қазақ телехикаяларына телміретін болды. Анандиді аузынан тастамайтын жұрт қазір өз қарагөздеріміз – Жібектің, Айжанның тағдырын талқылап жүр. «Астана» телеарнасынан көрсетілген «Жібек» сериалын ерекше атап өткім келеді. Бұл фильм қазақ кино өнеріне жаңа есімдер алып келді. Қит етсе, шетелден әртіс шақыра бермей, өзіміздің талантты жастарды шығарғаннан ұтарымыз көп екеніне көзімізді жеткізді. Ресей театрлары болашағынан үміт күттіретін жас актер пайда болса, оны қатарынан бірнеше жобаға түсіріп, халыққа әбден танымал етеді де, оның атақ-абыройын театрдың имиджі үшін пайдаланады. Өйткені әлгі актерді жақынырақ көру, сахнадағы ойынын тамашалау үшін келетіндердің қатары аз болмайды. Бүгін Мәскеуге барсаңыз, театрға кіре алуыңыз екіталай. Өйткені билеттер бір апта, тіпті бір ай бұрын сатылып кетеді. Маркетингтің, менеджменттің тілін терең меңгермеуіміз өнеріміздің өркендеуіне кедергі болады деп ойлаған жоқ едік. Жайбасарлықтан арылатын уақыт жетті. Өзіміз жасаған өнім шетелдік туындылардың көлеңкесінде қалып қоймас үшін заманның жаңа талаптарына жедел икемделе білуіміз керек.

– Сұхбатыңызға рахмет!

 

Сұхбаттасқан Анар ЛЕПЕСОВА

Редакция таңдауы

Желіде Тоқаевтың тазымен серуендеп жүрген суреттері жарияланды

Желіде Қазақстан Президенті Қасым-Жомарт Тоқаевтың тазымен серуендеп жүрген сәтінің фотосы пайда болды. Суретті Президенттің баспасөз хатшысы Берік Уәли Facebook желісіндегі парақшасында жариялады. "Тамаша күн. Таңғы серуен....

Қазақстандық Жаннұр Ниязбекова Қытайдың үздік студенті атанды

Қазақстандық Жаннұр Ниязбекова Қытайдың үздік студенті атанды. Бұл туралы студенттің өзі Instagram парақшасында жазды. Жаннұр Ниязбекова – Қызылорда қаласының тумасы. Осыдан 3 ай бұрын 17...

Президент әйелдер қауымын мерекесімен құттықтады

Мемлекет басшысы Қасым-Жомарт Тоқаев барша әйелдер қауымын Халықаралық әйелдер күнімен құттықтады. Құрметті ханымдар! Баршаңызды Халықаралық әйелдер күнімен шын жүректен құттықтаймын! Көктемнің шуақты мерекесі қашанда жүрегімізді сүйіспеншілік пен...

Римдегі турнирден қазақ балуандары 11 медаль алды

Италия астанасы Рим қаласында Маттео Пелликонаны еске алуға арналған күрес түрлері бойынша халықаралық рейтингтік турнир басталды. Оған 32 елден 350-ден астам спортшылар қатысуда. Қазақстан...
201216104342278e

Президент әйелдер қауымын мерекесімен құттықтады

Мемлекет басшысы Қасым-Жомарт Тоқаев барша әйелдер қауымын Халықаралық әйелдер күнімен құттықтады. Құрметті ханымдар! Баршаңызды...
d95616cc5713787fca7b9ddbba6b9eb6 xl

8 наурыз – Халықаралық әйелдер күні

Бүгін Қазақстанда «8 наурыз – Халықаралық әйелдер күні» мерекесі аталып өтеді. Биылғы мереке...
maxresdefault

Жансай Смағұлов: қолда тұрған алтыннан айырылып қалдым

Ташкентте дзюдодан әлемдік "Grand Slam" жарысында 73 келі салмақ дәрежесінде күресіп, күміс...

Жаңалықтар

Түркістан облысында үшем дүниеге келді

Түркістан облысында шала туған үшемнің өмірін дәрігерлер аман алып қалды, деп хабарлайды Otyrar.kz. Сарыағаш ауданынының 34 жастағы тұрғыны Лаура Тұрарбекова 8 наурыз Халықаралық әйелдер...

АҚШ билігі Еуропаның соңғы диктаторын атады

АҚШ Мемлекеттік департаментінің басшысы Энтони Блинкен Беларусь президенті Александр Лукашенконы "Еуропаның соңғы диктаторы" деп атады. Бұл туралы ол 8 наурызда онлайн режимде өткен 15-ші...

9 наурыз: атаулы күндер мен тарихи оқиғалар

9 наурыз егемен еліміздің өмірінде елеулі орны бар бірқатар маңызды оқиғалармен есте қалды.  2001 жылы Қазақстан мен Ресей шекараны делимитациялауға кірісті. Кездесулер барысында қазақстандық және...

Кейбір смартфондарда WhatsApp-тың жұмысы тоқтатылады

WhatsApp мессенджері iOS 9 және одан төмен операциялық жүйесі бар iPhone смартфондарында жұмысын тоқтатады. Бұл туралы WABetaInfo тақырыптық порталына сілтеме жасап Lenta.ru хабарлады.  Сонымен, iOS-қа...

Мемлекеттік қызметте әйелдердің үлесі қанша

Қазіргі уақытта еліміздегі мемлекеттік қызметкерлердің нақты саны 88409 адамды құраса, оның 49 031-ы, яғни 55,5%-ы әйел адамдар, деп хабарлайды ҚР Мемлекеттік қызмет істері агенттігінің...

Бадам өзенінде балықтар қырылып жатыр

2021 жылдың 8 наурызында «Instagram» әлеуметтік желісінде Бадам өзенінде маринка балығының өлгені туралы ақпарат жарияланды, деп хабарлайы ҚР Экология, геология және табиғи ресурстар министрлігінің...

Қостанайда полиция сыныптасын атып өлтірді

Қостанайда 8-наурызда таңғы 3-те екі сыныптастың арасында шыққан жанжал кісі өлімімен аяқталды. Аталмыш қылмыс туралы облыстық Полиция департаментінің басшысы Бекет Аймағамбетов әлеуметтік желідегі жеке парақшасында жазды. «Бүгін Қостанайда қатардағы...

Атырауда базарлар мен сауда үйлері күн сайын жұмыс істейді

Атырау облысында базарлар мен сауда үйлерінің күн сайын жұмыс істеуіне рұқсат берілді. Бұл туралы облыстың бас санитар дәрігері Мәдениет Танауовтың жаңа қаулысында айтылған. «Күшейтілген санитариялық-дезинфекциялық режимді, бетперде кию режимін,...

Аршалы маңында 600 көлік 4 шақырымдық кептелісте қалды

Аршалы ауданы маңында автомагистральдің ортасын жүк көлігі жауып қалып, 600 автокөліктен тұратын 4 шақырымдық кептеліс пайда болған, деп хабарлайды Ақмола облыстық Полиция департаментінің баспасөз...

Қазгидромет алдағы үш күнге жасалған ауа райы болжамын жариялады

«Қазгидромет» РМК баспасөз қызметі алдағы үш күнге жасалған ауа райы болжамын жариялады. «Екатеринбург жақтан көшкен циклон Қазақстанның басым бөлігінде қар мен жаңбыр жаудырады. 10 наурыз...

Елімізде полиция қатарында 11 мың қыз-келіншек қызмет етеді

Полиция қатарында ер-жігіттермен бір сапта күндіз-түні аянбай 11 мың қыз-келіншек қызмет етеді. Бұл туралы Қазақстан Ішкі істер министрі Ерлан Тұрғымбаев Халықаралық әйелдер күнімен құттықтау...

Әнші Диляра Дидарқызы «Украина дауысы» байқауына қатысады

Қазақстандық Диляра Дидарқызы «Украина дауысы-11» жобасындағы сынақтан өтіп, Олег Винниктің командасына қабылданды, деп хабарлайды украиналық ТСН арнасы. Диляра әлемдік жұлдыз Мэрайя Кэридің «My All»...

Желіде Тоқаевтың тазымен серуендеп жүрген суреттері жарияланды

Желіде Қазақстан Президенті Қасым-Жомарт Тоқаевтың тазымен серуендеп жүрген сәтінің фотосы пайда болды. Суретті Президенттің баспасөз хатшысы Берік Уәли Facebook желісіндегі парақшасында жариялады. "Тамаша күн. Таңғы серуен....

Головкиннің келесі қарсыласы

Бірінші орта салмақта бұрынғы әлем чемпионы Хайме Мунгия (36-0, 29 КО) келесі жекпе-жегін орта салмақта IBF және IBO белбеулерінің иегері қазақстандық Геннадий Головкинге (41-1-1,...

Құрмаш Маханов аэропортта аруларға арнап ән шырқады (видео)

8-наурыз мерекесін «Қазақконцерт» мемлекеттік концерттік ұйымының әртістері әйелдер қауымын ерекше форматта құттықтады. Нұрсұлтан Назарбаев халықаралық әуежайымен бірлесіп өткізілген іс-шара аясында елорда тұрғындары мен қонақтары Қазақконцерт...

Қазақстандық Жаннұр Ниязбекова Қытайдың үздік студенті атанды

Қазақстандық Жаннұр Ниязбекова Қытайдың үздік студенті атанды. Бұл туралы студенттің өзі Instagram парақшасында жазды. Жаннұр Ниязбекова – Қызылорда қаласының тумасы. Осыдан 3 ай бұрын 17...

Алғашқы ҰБТ 10-наурызда басталады

Жоғары оқу орнының ақылы бөліміне түсуді жоспарлаған талапкерлер үшін ұйымдастырылатын наурыз айындағы Ұлттық бірыңғай тестілеу компьютерлік форматта өтеді. Егер бұған дейін көктем айындағы тестілеу...

Қазақстанның кей аймақтарында жол ашылды

Ауа райының жақсаруына байланысты еліміздің кей өңірлерінде жолдар ашылып, көлік қозғалысы қалпына келтірілді.  07.03.2021 күні 08.00-ден бастап Шығыс Қазақстан облысындағы «Өскемен-Алтай-Рахман шоқысы» тасжолының 7-66 шақырымы,...

Жандолла Мандатұлы: Кореяда стипендия арқылы білім алуға болады

Жандолла Мандатұлы – Баян-Өлгий аймағында туған. Авиация инженері мамандығы бойынша Оңтүстік Корея елінің Пусан Ұлттық университетінің студенті. Ол Кореяда қалай стипендия арқылы білім алуға...

Пеле: Мбаппе ізбасарым болады

Әлем футболының королі атанған Пеле болашақта өз ізін «ПСЖ» клубының шабуылшысы Килиан Мбаппе басады деп болжайды. - Мбаппе менің ізбасарым бола алады және мен бұны...

Киік мүйізін Қытайға сатқандар ұсталды

Атырауда киіктің мүйізін Қазақстаннан Қытайға сатумен айналысқан ұйымдасқан қылмыстық топтың 12 мүшесіне қатысты сот үкімі шықты. Топты басқарған бұрын ҚХР азаматы болған қазақ, -...

Бітімгер әйел

Елімізде әскери салада әйелдер қауымы елеулі еңбек етіп келеді. Тіптен олардың саны жыл сайын артуда. Заңгер, қаржыгер, телефонист  секілді мамандықтарды игерген. Олар ұшақты басқарып,...

Елімізде 480 адам коронавирустан жазылды

Қазақстанда бір тәулікте 480 адам коронавирус індетінен емделіп шықты, деп хабарлайды coronavirus2020.kz сайты. Аймақтар бойынша: Нұр-Сұлтан қаласы - 68, Алматы қаласы - 54, Шымкент қаласы...

Темекіні оңай тастаудың 5 тәсілі

Дүниежүзінде коронавирусқа қатысты шындыққа сай келмейтін түрлі ақпарат тарады. Осындай мифтің бірі - темекі шегетіндер COVID-19 инфекциясын сирек жұқтырады. Дүниежүзілік денсаулық сақтау ұйымы төтенше жағдайлар...

Президент әйелдер қауымын мерекесімен құттықтады

Мемлекет басшысы Қасым-Жомарт Тоқаев барша әйелдер қауымын Халықаралық әйелдер күнімен құттықтады. Құрметті ханымдар! Баршаңызды Халықаралық әйелдер күнімен шын жүректен құттықтаймын! Көктемнің шуақты мерекесі қашанда жүрегімізді сүйіспеншілік пен...

8 наурыз – Халықаралық әйелдер күні

Бүгін Қазақстанда «8 наурыз – Халықаралық әйелдер күні» мерекесі аталып өтеді. Биылғы мереке алғаш рет коронавирусқа қарсы карантин шектеулерімен тұспа-тұс келіп отыр. Атаулы күннің тарихы әйелдер...

«Маттео Пеликоне»: Қазақстан спортшылары үш алтын медаль алды

Римде күрес түрлерінен "Маттео Пелликоне" рейтингтік турнирі мәресіне жетті. Еркін күрестен Қазақстан құрамасы соңғы жарыс күнінде үш алтын, екі күміс және үш қола медаль...

Жансай Смағұлов: қолда тұрған алтыннан айырылып қалдым

Ташкентте дзюдодан әлемдік "Grand Slam" жарысында 73 келі салмақ дәрежесінде күресіп, күміс жүлдегер атанған Жансай Смағұлов алтыннан қалай айырылып қалғаны туралы айтып берді.  "Жарыс...

Дабылды ескерту жарияланды

Ауа райының күрт нашарлауына байланысты Қазгидромет синоптиктері Нұр-Сұлтан қаласы мен еліміздің 9 облысында дабылды ескерту жариялады. 8 наурызда Нұр-Сұлтанда көктайғақ болып, жаяу бұрқасын соғады деп...

Алматы облысының дәрігер қыз-келіншектері марапатталды

Алматы облысының әкімі Амандық Баталов Талдықорған көп салалы ауруханасына барып, облыстағы денсаулық сақтау саласында еңбек етіп жүрген, індетпен күресте алдыңғы шепте болған бірқатар нәзік...

Дзюдодан париждегі Grand Slam турнирі Қазан қаласына ауыстырылды

Дзюдодан 5-7 мамыр күндері Парижде өтуі тиіс Grand Slam турнирі Қазан қаласына ауыстырылды. Бұл туралы Халықаралық дзюдо федерациясының (IJF) баспасөз қызметі хабарлайды.  Франция тарапының...

Жансай Смағұлов Grand Slam турнирінің күміс медалын иеленді

Дзюдодан Ташкентте өтіп жатқан Grand Slam турнирінің финалында бақ сынаған Қазақстан балуаны Жансай Смағұлов турнирдің күміс жүлдегері атанды деп хабарлайды Olympic.kz. 73 келіде сынға түскен...

Бас санитар дәрігерінің жаңа қаулысы шықты

Қазақстанның бас мемлекеттік санитар дәрігері Ерлан Қиясовтың жаңа қаулысы жарияланды. Қаулы бойынша, 2020-2021 оқу жылының үшінші тоқсанында мыналарға рұқсат етіледі: оқушылар саны 300-ге дейін контингенті...

Қарағандыда көлікте отырған арыстан туралы Экология министрлігі не дейді?

Экология, геология және табиғи ресурстар министрлігі Қарағандыда арыстанды көлігімен тасымалдағандардың оқиғасына пікір білдірді - деп хабарлайды Tengrinews.kz. "Облыстық жануарлар дүниесі инспекциясының мамандары бұл мәселені талқылады....

Римдегі турнирден қазақ балуандары 11 медаль алды

Италия астанасы Рим қаласында Маттео Пелликонаны еске алуға арналған күрес түрлері бойынша халықаралық рейтингтік турнир басталды. Оған 32 елден 350-ден астам спортшылар қатысуда. Қазақстан...

Қазақстанда апта ішінде болған тағайындауларға шолу

Осы аптада еліміздің орталық және жергілікті атқарушы органдарында бірқатар кадрлық ауыс-түйіс болды. Президенттік жастар кадр резервінің төрт өкілі басшылық лауазымға тағайындалды. 1-7 наурыз аралығында...

Ақмола облысының қыздары 4 алтын медаль иеленді

ШҚО Өскемен қаласында жалауын көтерген әйелдер арасындағы еркін күрестен Қазақстан чемпионаты өз мәресіне жетті. Бәсекеде Ақмола облысының төрт қызы төрт алтын медаль жеңіп алып, жалпыкомандалық...

Қарағандыда көлік ішіндегі арыстан жұртты таңдандырды

Қарағандыда көлік терезесінен қарап тұрған арыстанның суреті БАҚ пен әлеуметтік желілерде резонанс тудырды, деп хабарлайды NewTimes.kz. Экология министрлігі бұл оқиғаның мән-жайын анықтап, арыстан Қарағанды хайуанаттар...

Индонезияда сегіз жасар бала қолтырауынның асқазанынан шығарылды

Индонезияда сегіз жасар баланың денесі қолтырауынның асқазанынан алынды, деп жазады The Sun. Берілген ақпаратқа сәйкес, баланың еш жеріне зақым келмесе де, аман қалмады. Бала әкесімен бірге...

Женевада адам құқығы туралы ең жақсы фильмдер іріктелмек

Биыл 19-шы Халықаралық кинофестиваль және Женевадағы адам құқықтары жөніндегі форум виртуалды форматта өтеді. Жыл сайын іс-шараға 40 мың көрермен қатысатын. Онымен қоса 25 елден 300-ге...

Атырауда автотұрақтағы 5 автобус өртеніп кетті

Оқиға салдарынан қаза болғандар мен зардап шеккендер жоқ. Атырау облысындағы Теңіз кенішінде 5 автобус өртеніп кетті, деп хабарлайды inbusiness.kz Оқиға 5 наурызда сағат 19:30-да Жылыой...

Елімізде 2021 жылғы алғашқы екі айда 120 адам жемқорлыққа қатысты сотты болған

2021 жыл басталғалы бері  шамамен 120 адам жемқорлық ісіне қатысты сотты болған. Бұл жөнінде ҚР сыбайлас жемқорлыққар қарсы іс-қимыл агенттігінің Telegram каналында хабарланды. Cотталғандардың ішінде 28...

Экстремистік идеология жақтастарын райынан қайтару – басты міндет

Қазақстанда  жат діни ағымдарды түбегейлі ауыздықтау мүмкін болмай отыр. Діни ахуалдың тереңдеуіне қауіптің  алдын алу жұмыстарының жеткіліксіздігі себеп болуда. Бұл туралы Алматыда Абай атындағы...

Әлемде адам тіршілігі үшін қажетті негізгі тауарлардың бірі таусылуға жақын

Дүние жүзінде адам тіршілігі үшін маңызды тауарлардың бірі — құмның тапшылығы сезіле бастады. Құм судан кейінгі ең көп сұранысқа ие ресурс болып саналады, деп...

Бас санитардың жаңа қаулысы шықты

ҚР ДСМ Бас мемлекеттік санитар дәрігері Ерлан Қиясовтың жаңа қаулысы жарияланды.  Жаңа қаулыға сәйкес, қылмыстық-атқару мекемелерінде санитариялық-дезинфекциялық режимді сақтау алгоритмі» атты 24-қосымшада 4-тармақ өзгертілді. «4. Маскаларды...

Дәрігер әйел адамның денсаулығына қауіп төндіретін ең зиянды өнімдерді атады

Ресейлік диетолог Наталья Круглова әйел адамның денсаулығы мен сұлулығы үшін ең қауіпті тағам түрлерін атады, деп хабарлайды Lenta.ru. Дәрігердің сөзінше, әйелдер жейтін тағамының калориясына мән...

Елорда асханаларының бірінде өрт шықты (видео)

"5 наурыз күні сағат 11.48-де өрт сөндіру бөлімнің қызметкерлері шұғыл түрде Достық көшесінде орналасқан "Избушка" дәмханасына аттанды", – делінген астаналық төтенше жағдайлар департаментінің хабарламасында. Тұрғын...

«Қазақалтын» кенішінен 122 миллион теңгенің алтыны қолды болды

Ақмола облысында «Қазақалтын» кенішінен 122 миллион теңгенің алтыны ұрланды, деп хабарлады zakon.kz. «Ақмола облыстық полиция қызметкерлері 2 наурызға қараған түні «Қазақалтын» АҚ-қа тиесілі катодты алтынды ұрлау...

Орыс тілінде сөйлеген депутат партия қатарынан қуылды

Украинада Харьков облыстық кеңесінің депутаты Александр Дорошенко орыс тілінде сөз сөйлегені үшін  партия қатарынан шығарылды, деп хабарлайды РИА Новости. "Еуропалық ынтымақтастық" партиясы баспасөз қызметінің мәліметінше, ...

Жамбылда 38 елді мекенді қызыл су басуы мүмкін

Жамбыл облысында 38 елді мекен су астында қалуы мүмкін. Олардың басым көпшілігі су қоймаларының маңайында орналасқан. Егер көктемде күн күрт жылып, таудағы қар ерісе...

Елімізде жаңа мереке пайда болды

ҚР Премьер-Министрі Асқар Мамин «Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы № 689 қаулысына толықтыру енгізетін бұйрыққа...

«Алаяқтардың қолына түсуі мүмкін»: Маман телефоннан қандай хабарламаларды жойып отыру керегін айтты

"Цифрлық платформалар" автономды коммерциялық емес ұйымының бас директоры Арсений Щельцин смартфоннан қандай хабарламаларды өшіріп отыру керегін айтты, деп хабарлады РИА Новости.     Маманның айтуынша, телефоннан...

Алматылық оқушы халықаралық математика лигасында топ жарды

Алматы қаласындағы «Білім-Инновация» мамандандырылған лицейінің 9-сынып оқушысы Нұрасыл Бейсенбай  The Math League – Халықаралық математика лигасында топ жарды, деп хабарлайды Алматы арнасы.  Олимпиадаға әлем бойынша...

Өр тұлғалы өңір басшысы

Күрделі кезеңдерде республикамыздың бес облысының әкімі болған, Елбасының сенімді сардарына айналған Бердібек Сапарбаевтың атқарған еңбегін, көзбен көріп, көңілге түйген сол облыстардың халқы әлі күнге...

Қасым-Жомарт Тоқаев түрік халқына көңіл айтты

Мемлекет басшысы Қасым-Жомарт Тоқаев «Кугар» әскери тікұшағының апатқа ұшырап, бірнеше адамның қаза болуына байланысты Түркия Президенті Реджеп Тайип Ердоғанға Қазақстан халқының және жеке өзінің...

8 наурызға 18 кітап

Көктемнің алғашқы шуақты мерекесі жақындаған сайын көпшілігімізді, әсіресе ер-азаматтарды жақындарыма «не сыйласам?» деген сауал мазалайтыны белгілі. Кітап сыйлаңыз. Жақсы таңдалған құнды кітап басқа жанның...

Елімізде мұнай және газ-химия саласында 5 зауыт салынады – министр

Энергетика министрі Нұрлан Ноғаев 2025 жылға дейін елімізде мұнай және газ-химия саласында 5 зауыттың құрылысы аяқталатынын айтты. Мемлекет басшысы Үкіметтің кеңейтілген отырысында мұнай және газ-химия...

Қазақстанда әйелдер мемлекеттік қызметтерді алуға аз жүгінеді

Халықаралық әйелдер күні қарсаңында Азаматтарға арналған үкімет мемлекеттік қызметтерге қанша әйел жүгінетінін есептеп көрді. Белгілі болғандай, 2020 жылы мемлекеттік корпорацияға түрлі қызметтерді алу үшін 6,2...

8 наурыздан бастап Өзбекстанға жаңа әуе рейсі ашылады

2021 жылғы 8 наурыздан бастап «SCAT» әуе компаниясы Ақтау және Үргеніш қалалары арасында аптасына 2 рейс орындай бастайды, – деп хабарлады ҚР ИИДМ баспасөз...

АҚШ ғалымдары коронавирус инфекциясын қоздыратын қан тобын анықтады

АҚШ ғалымдарының зерттеуі бойынша, ІІ қан тобының иелері коронавирус инфекциясының жұқтыруға «бейім» келеді. Гаврард медициналық мектебінің «Бригэм энд уименз» клиникасында қызмет ететін ғалымдардың бұл...

Коронавирус: 226 адамның жағдайы ауыр

5 наурыздағы мәлімет бойынша, Қазақстанда 18 882 адам короновирус инфекциясынан (13 236 КВИ+ және 5 646 КВИ-) емделіп жатыр. Денсаулық сақтау министрлігінің Telegram каналында олардың...

Ауа райының бұзылуына байланысты 7 өңірде көлік қозғалысы шектелді

ҚР ИИДМ баспасөз қызметінің мәліметінше, республикалық маңызы бар жолдардың төмендегідей учаскелерінде қозғалысқа шектеу енгізілді. Ақмола облысында: 1. 03.03.2021 ж. сағат 16.00 «Жезқазған-Петропавл» автожолының 377-536 шақырымында,...

Ақылы автожолдарда көлігі бұзылған жүргізушілерге тегін көмек көрсетіледі

«ҚазАвтоЖол» Ұлттық компаниясы ақылы автожолдарда жанармайы таусылған немесе автокөлігі бұзылған жүргізушілерге көмек тегін көрсетілетінін мәлімдеді. Павлодар облысының Павлодар, Екібастұз, Ақсу, Аққулы, Железин және Тереңкөл аудандарында...

5 наурыз: еліміздің тарихында қандай айтулы оқиғалар болды

Осыдан 25 жыл бұрын, яғни 1996 жылы 5 наурызда Ақмола облыстық қазақ музыкалық-драма театры «Ақан сері-Ақтоқты» пьесасының (режиссер Ж. Омаров) қойылымымен ашылды. Сол жылы...

Елордада ауа райының бұзылуына байланысты оқушылар қашықтан оқиды

Нұр-Сұлтан қаласының Білім басқармасы бүгін ауа райының күрт бұзылуына байланысты мектеп оқушылары мен колледж студенттері қашықтан оқыту форматына көшірілгенін хабарлады. «Нұр-Сұлтан қаласының Білім басқармасы хабарлайды:...

ШҚО-да дүкенге маскасыз кірген адамға айыппұл салынды

Шығыс Қазақстан облысының 5 ауданында карантиндік шектеуді бұзғандар тіркелді. ШҚО Ақпарат орталығының мәліметіне сүйенсек, мониторингілік топтар Шемонаиха ауданында 74 нысанға тексеру жүргізіп, ереже бұзудың 1...

Өткен тәулікте 857 адам коронавирус жұқтырды

Қазақстанда өткен тәулікте 857 адамнан коронавирус анықталды, – деп хабарлады coronavirus2020.kz. Аймақтар бойынша: Нұр-Сұлтан қаласы - 132, Алматы қаласы - 134, Шымкент қаласы - 27,...

Еліміздің басым бөлігінде қар аралас жаңбыр жауады – Қазгидромет

5 наурыз күні Қазақстанның басым бөлігіне әлі де Солтүстік-Батыс циклонның әсері сақталады, жаңбыр мен қар түрінде жауын-шашын күтіледі, – деп хабарлады «Қазгидромет» РМК. Республиканың оңтүстік...

Абай атындағы университет үздіктер қатарына енді

Абай университеті екі бағдарлама бойынша QS World University Ranking by Subject-2021 рейтингінде топ-250 үздіктер қатарына енді. Абай атындағы ҚазҰПУ алғаш рет «QS World University Ranking...

Кремль: «Cанкцияның әсері де, мағынасы да жоқ»

АҚШ-тың "Навальныйдың ісі" бойынша жаңа санкциялары екіжақты қатынастарға "қатты әсер етеді", қазірдің өзінде "жағдай нашар". Бұл туралы Кремльде айтылды. АҚШ-та Ресейдің жаппай қырып-жоятын қару бағдарламасын...

«Құтадғу біліктің» жаңа аудармасы оқырманға тарту етілді

Л.Н. Гумилев атындағы Еуразия ұлттық университетінің «Отырар» кітапханасында Жүсіп Баласағұнның «Құтадғу білік» еңбегінің жаңа аудармасының таныстырылымы өтті. Қарахандар дәуірінде 1069 жылы жазылған құнды жәдігер...

Министрлік коронавирус «гүл арқылы жұғады» деген ақпаратқа түсінік берді

Коронавирус инфекциясы гүл арқылы жұғады деген ақпарат жалған. Бұл туралы Денсаулық сақтау министрлігінің санитарлық-эпидемиологиялық бақылау комитеті өкілдері айтты, - деп хабарлайды Tengrinews.kz тілшісі. Департамент мәліметіне қарағанда, Желіде...

Балалар әдебиеті: есейген қаламгер ме, балалар ма?

Балалар әдебиеті – әдебиеттің ең бір елеулі саласы. Халқымызда ежелден балалар әдебиетінің бай фольклорлық үлгісі болды. Ертегі, жаңылтпаш, мазақтама, жұмбақ, т.б. Мұндай қызықты нәрселердің...

Бішкекте қандасымызға арналған музыкалық кеш өтті

1 наурызда  Бішкектегі К.Молдобасанов атындағы Қырғыз ұлттық консерва­тория­сында Қыр­ғыз Республикасындағы қазақтардың арасынан шық­қан талантты әнші, қырғыз елінің  мә­дениетіне еңбек сіңірген қайраткер Ержан Му­синді еске...

Енді WhatsApp-тың компьютерлік нұсқасында бірнеше адаммен видео арқылы сөйлесуге болады

WhatsApp мессенджерінің компьютер арқылы қосылатын нұсқасында бірнеше адам видео және аудио байланыс арқылы сөйлесе алады, - деп хабарлайды Tech Crunch. Аудио және видео қоңыраулар шифрлау арқылы...

Ауылдағы іскер әйелдерге 4000 доллар қайтарымсыз грант беріледі

Ауылды жерлерде кәсіпкерлікпен айналысатын әйелдердің 4000 доллар қайтарымсыз грант ұтып алу мүмкіндіктері бар, деп хабарлайды Аtameken Business.     https://youtu.be/rIWRXS-QT2Q Ол үшін өз ісіңізді ашуға деген...

2020 жылы Қазақстанда 48 ірі сүт фермасы іске қосылған

Өткен жылы ауыл шаруашылығы саласында импорттық өнімдерді алмастыру жоспары бойынша Қазақстанда 48 тауарлы сүт фермасы, 3 ет комбинаты іске қосылды. Бұл туралы Ауыл шаруашылығы...

Пандемия кезінде гендерлік теңсіздік күшейді – ДДСҰ

Пандемия Еуропадағы гендерлік теңсіздікті күшейтті. Бұл туралы Дүниежүзілік денсаулық сақтау ұйымының (ДДСҰ) Еуропалық аймақтық бюросының директоры Ханс Клюге бейсенбі күні Facebook-те жарияланған Копенгагенде өткен...

Украина коронавирустың үшінші толқынына дайындалуда – Премьер-министр

Украина премьер-министрі Денис Шмыгаль елде COVID-19 үшінші толқынының басталғанын мәлімдеп, келесі локдаунның мүмкіндігін жоққа шығармайтынын айтты.  Укринформ сайтының мәліметінше, Денис Шмыгаль жағдайды бейімделген карантин құралдарымен...

Қысқа жіп күрмеуге келмей…

Былтыр жыл соңында Дүниежүзілік банк Қазақстанда кедейлер саны 1,5 млн адамға көбеюі мүмкін деген болжам жасады. Сарапшылар 2020 жылы Нұр-Сұлтан мен Алматы қаласы тұрғындары...

Еліміздегі мешіттер қазақы стильде болуы керек – Бас мүфти

Елордада Бас мүфти Наурызбай қажы Тағанұлының төрағалығымен Қазақстан мұсылмандары діни басқармасы жанынан құрылған Қазақы стильдегі мешіт құрылысы бойынша жұмыс тобының алғашқы мәжілісі өтті, –...

«Nur Otan»: Түркістанның тазалығына жауапты көпбалалы аналар ардақталды

Бүгін «Nur Otan» партиясының Түркістан облыстық филиалында 8 Наурыз – әйелдердің халықаралық мерекесіне орай, бір топ көпбалалы анаға құрмет көрсетілді. Партияның «Бақытты отбасы» жобасы...

Жаңа орда құратын ұрпақ тәрбиелегіміз келеді

Парасат ТАНЕН, Orda Gen жобасының директоры: Тәуелсіздіктің ақ таңында дүниеге келген сәбилердің емін-еркін ойланып, жан-жақты дамып, қазақы мінез қалыптастыруына ертегі арқылы жол ашу – Orda...

Жасотандықтар мереке қарсаңында жас аналарға құрмет көрсетті

8 наурыз қарсаңында жасотандықтар Нұр-Сұлтан қаласындағы №2 көпбейінді орталық аурухананың акушерлік бөлімнің нәзік жанды қызметкерлері мен аналарын құттықтады. «Jas Otan» ЖҚ жетекшісі Нұржан Жетпісбаев: «Әйелдер күнімен...

Өскеменде баланы еденге лақтырған тәрбиешіге іс қозғалды (видео)

Өскемен қаласындағы «Арман» балабақшасының тәрбиешісіне қатысты қылмыстық іс қозғалды. ШҚО әкімдігінің баспасөз қызметі мәлімдегендей, 3 наурызда облыстық білім басқармасына хабарласқан ата-ана «Арман» балабақшасындағы «Еркетай» тобы...

Латынграфикалы қазақ әліпбиі: кірме терминдерді жазудағы ұстанымдар

2019 жылғы қазанда Ұлттық кеңес­тің кезекті отырысында Қазақстан Республика­сы­ның Президенті Қ.Тоқаев ғалым­дар­ға жаңа қазақ ұлт­тық латынграфикалы әліпбиін же­тілдіруді тап­сыр­ған болатын. Ал 2021 жылғы 28...

Тәуелсіздік күнтізбесі

1992 жылғы 5 наурызда Қазақстан Республикасы мен Мысыр Араб Республикасы арасында дипломатиялық қаты­нас орнады. 1993 жылғы 5 наурызда Қазақстан Республикасы Прези­дентінің «Мемлекеттік холдингтік компаниялар туралы»...

Алма ҚҰНАНБАЕВА, Стэнфорд университетінің профессоры: Америкалықтар қазақтың киіз үйіне келіп, күйін тыңдауға құмар

АҚШ-тағы әлемге әйгілі Стэнфорд университетінің профессоры Алма Құнанбаева көп жыл бойы америкалық студенттерге қазақ мәдениеті туралы лекция оқыған. Сонымен қатар ол Беркли қаласында Орта...

Ақмола облысында шахтада топырақ басып қалған жұмысшылар құтқарылды

Ақмола облысында шахтада топырақ үйіндісінің астында қалған екі жұмысшы құтқарылды. Oблыстық ТЖД баспасөз қызметінің мәліметінше, оқиға 4 ақпан күні Астрахан ауданындағы «Айна – ресурс» ЖШС...

Сарқылмас сезім бұлағы

Өнер атаулы сұлулықты дәріптеуден тұрады десек, сол дәріптеудің таусылмас кені, сар­қыл­­мас шабыт көзі – әйелдер. Және бұл өнер­­дің барлық түріне тән. Ежелгі дәуірден бері...

Ақұштап БАҚТЫГЕРЕЕВА: Ақынның мақсаты – әлдекіммен қылыштасу емес, ақиқатқа көз жеткізу

8 наурыз Халықаралық әйелдер күні қарсаңында Túrkistan басы­лымы арқылы қазақ қыздарына өз ақыл-кеңесімді айтқым келеді. Басылымдарыңызды замандастарыммен қатар оқитын жас қыз-келіншектер пайдалысын көңіліне тоқып,...

Рухани жаңғыру − рух тазалығына ұмтылу

Әр дәуір өз жаңалығымен келеді десек те, ұлт ретінде қалып­тас­қан халықтың өзгермейтін бір талабы болады, ол − ру­хани тұрғыдағы біртектіліктен ажырамау. Елді ел ететін...

Енді педагогтер жұмысқа конкурс арқылы қабылданады – министр

Бүгін Парламент Сенатында депутаттар білім саласына қатысты бірнеше маңызды жаңа нормаларды қамтитын заң жобасын қарастырып, мақұлдады. Білім және ғылым министрі Асхат Аймағамбетов осы құжатта...

Қазынаның шығыны көп, кірісі аз

2020 жыл әлем экономикасы үшін сынақ жылы болды. Көрсеткіштердің бәрі кері кетті. Алыс-беріс азайып, барыс-келістің тоқтауы көп елдің қазынасын ортайтып, қарызын еселеді. Пандемия  Қазақстан...

Тәж-Махалдан мыңнан астам турист эвакуацияланды

Бейсенбі күні таңертең Үндістанның Агра қаласындағы Тәж-Махал кесенесі аумағынан кем дегенде мыңнан астам турист эвакуацияланды, – деп жазды Hindustan Times газеті. Басылымның мәліметінше, жергілікті полицияға...

Жоғарғы соттың екі судьясы қызметінен босатылды

Парламент Сенатының жалпы отырысында ҚР Жоғарғы сотының судьялары қызметінен босатылды. «Сіздердің қарауыңызға Анатолий Сергеевич Смолинді және Серік Қазбекұлы Әбнәсіровті Жоғарғы Сот судьясының қызметінен босату туралы...

Қаржы министрлігі аппаратының жаңа басшысы тағайындалды

ҚР Қаржы министрінің бұйрығымен Абзал Бейсенбекұлы Қаржы министрлігі аппаратының басшысы қызметіне тағайындалды, – деп хабарлады осы ведомствоның баспасөз қызметі. Абзал Бейсенбекұлы 1985 жылы Жамбыл облысында дүниеге...

Австралияда «жұмбақ рейстерге» билет сатыла бастады

Австралиялық Qantas әуе компаниясы бағыты беймәлім рейстердің ашылғаны туралы хабарлады. Компания "жұмбақ рейстер" деп атаған тасымалдың бұл түрі – шекаралар жабық кезде ішкі рейстерді...

Шетелден 500 млн доллардан астам қаржыға сатып алған малдың пайдасы болды ма?

Қазақстан соңғы жылдары шетелден 153 мыңнан астам асыл тұқымды мал сатып алған. Оған барлығы 500 миллионнан астам доллор жұмсалған. Бірақ сатып алып келген малдан...

Оралда көпірдің астынан жас жігіттің мәйіті табылды

Азиат пішіндес жас жігіттің мәйіті бүгін сағат 07.01-де Орал қаласына қарасты Деркөл кентіндегі көпірдің астынан табылған. Бұл туралы БҚО денсаулық сақтау департаменті хабарлады.  Жасы шамамен...