Жүйелі іс – даму даңғылы

Сондай-ақ!

Жазасын өтеп жатқан орыс баласы домбыра тартуды үйренген

Елімізде өзге ұлт өкілдерінің домбырамен күй тартып, домбыраға қосылып қазақтың әнін шырқауы бүгінде соншалықты таңсық нәрсе емес, бірақ темір тордың аржағында отырып домбыра үйренуге...

«Бұларың Отан үшін қауіпті!». Балғынбек Имаш әнші Қарақат пен Алтынайды сынға алды

Айтыскер ақын Балғынбек Имаш Түркиядан үй сатып алғанын желіде жариялап, жарнама жасаған Алтынай Жорабаева мен Қарақат Әбілдинаны сынады. Бұл туралы ол өзінің Instagram парақшасында жазды. «Мен үшін...

Қайрат Нұртастың әйелі «Әлем ханымы–2020» байқауына қатысады

Актриса Жұлдыз Әбдікәрімова Қазақстанның атынан «Әлем ханымы–2020» байқауына қатысады. Бұл туралы ол өзінің Instagram парақшасында хабарлады. «Биыл «Әлем Ханымы-2020» – «Миссис Вселенная» байқауында Қазақстанды таныстырамын....

Қазақ хандығы дәуірінің ұлы жырауына лайықты құрмет көрсеттік пе…

Мемлекетті мемлекет ететін идеология болса, бүгінгі тәуелсіз Қазақстанның талассыз негізі 15-ғасырда құрылған Қазақ хандығының идеологиясын жүргізген тұлғалардың негізгілері − ақындар. Соның бірегейі − Қазтуған...

Өңірдің өрлегені – елдің түлегені. Аймақтарды дамытуды мемлекеттік саясат пен ұлттық экономиканың басым бағыты етіп бекіткен Елбасы «100 нақты қадам» Ұлт жоспарының жүйелі түрде жүзеге асуын өз бақылауында ұстап келеді. «Nur Оtаn» партиясы фракциясының мүшелері қатысқан кеңесте Нұрсұлтан Назарбаев аталмыш бағдарламаның және Қазақстан – 2021: Бірлік. Тұрақтылық. Жасампаздық» сайлауалды бағдарламасының осы кезеңге дейінгі нәтижелерін тыңдады. Жетістік пен кемшілік таразыланып, жаңа мақсат-міндеттер айқындалды.

 Елбасына берген есебінде Премьер-министр Асқар Мамин «Nur Оtаn» партиясының сайлауалды бағдарламасы бойынша 112 іс-шара жоспары жүзеге асырылып жатқанын айтты. Оның ішінде бүгінгі күні 31-і орындалса, 81 шара кезек күтіп тұр. Оған қоса мемлекет барлық әлеуметтік міндеттемелерді толық көлемде орындайтынын алға тартты. Үкімет басшысы атаулы әлеуметтік көмектің жаңа форматы әзірленіп жатқанын, 2020 жылдан бастап Міндетті әлеуметтік медициналық сақтандыру енгізілетінін жеткізді.

«Тапсырмаларды сапалы орындау және нақты нәтижеге қол жеткізу үшін екпінді іс-қимылдардан тұратын жол картасы әзірленді. Партияның парламенттік фракциясымен үйлесімді жұмысының арқасында сайлауалды бағдарламасындағы барлық міндет-мақсаттарға өз уақытында қол жеткізуге мүмкіндік жасалды. Осы ретте фракциямен бірлесіп жүзеге асырылып жатқан шаралар «Nur Оtаn» партиясының халық алдындағы сайлауалды міндеттемелерін толығымен орындап, қоғамда тиімді шешім қабылдайтын нақты іс пен халық бірлігі партиясы ретіндегі беделін күшейтуге үлес қосуда. Партияның сайлауалды бағдарламасы бойынша іс-шаралар жоспары іске асырылып жатыр. Тұғырнаманың барлық бағыттары ең көкейкесті мәселелерді шешуді қамтиды», – деді Премьер-министр.

Үкімет басшысының бірінші орынбасары және Қаржы министрі Әлихан Смайыловтың баяндамасында еліміздегі шағын және орта бизнестің даму көрсеткіштеріне басымдық берілді.  Министрдің дерегінше, соңғы 5 жылда шағын және орта бизнес субъектілерінің саны 1,5 есеге өсіп, 1,3 миллионнан асқан. Дүниежүзілік банктің Doing Business рейтингінде Қазақстан Франция (32), Жапония (39), Түркия (43) сияқты Экономикалық ынтымақтастық және даму ұйымы елдерінен озып, әлемдегі 190 елдің ішінде 28-орынға көтерілуі ұлттық экономикамыздың қарыштап дамуының жемісі екені даусыз.

– Шағын және орта бизнесті қолдаудың ең тиімді құралы ретінде «Бизнестің жол картасы – 2020» бағдарламасы іске асырылуда. Осы бағдарламаны іске асыру жылдары 14 мыңнан астам жобаға 2,5 трлн теңге сомасындағы кредитке 241 млрд теңге субсидия бөлінді. 6 мың жоба бойынша 230 млрд теңге сомасындағы кредитке кепілдік берілді. Жаңа бизнес-идеяларға 3 млн теңгеге дейін мемлекеттік грант беріледі. Атап айтқанда, 2,5 мыңнан астам жоба бойынша 5,7 млрд теңгеге грант бөлінді. Кәсіпкерлікке үйрету үшін 200 мың адам оқытылды. Бағдарламаға қатысушылар 95 мың жаңа жұмыс орнын құрып, 19 трлн теңгеге өнім өндірді және 1,2 трлн теңгеден астам салық төледі. Жалпы бағдарлама бойынша, 1 теңге субсидия қатысушыларға 100 теңге түсім және бюджетке 6 теңге салық әкеледі. Осы бағдарламаның жоғары тиімділігін ескере отырып, оның мерзімі 2025 жылға дейін ұзартылады. Бағдарламаны іске асыру үшін алдағы 3 жылда мемлекеттік бюджеттен 270 млрд теңге бөлінеді, – деді Әлихан Смайылов.

Сондай-ақ Қаржы министрі «Атамекен» ұлттық палатасымен бірлесе отырып, бизнестің түйткілді мәселелерін шешу бойынша кешенді жұмыстар жүргізілетінін, дамыған елдердің стандарттарын енгізуге бағытталған тиісті шаралар қабылданатынын жеткізді.

Өз кезегінде Премьер-Министрдің орынбасары Бердібек Сапарбаев «Nur Оtаn»  партиясының сайлауалды бағдарламасындағы әлеуметтік мәселелердің шешілуі жайлы есеп берді.  «100 нақты қадам» Ұлт жоспары қадам-қадамымен іске асып жатқанын жеткізді. Сондай-ақ азаматтардың ахуалын жақсарту үшін ең қажеттісі жұмыспен қамту екенін алға тартты. Өйткені аймақтарды аралап, халықпен кездесу барысында Вице-премьерге азаматтар көбіне осы мәселе бойынша жүгінген.

«Nur Оtаn» партиясының сайлауалды бағдарламасында әлеуметтік салаға қатысты 31 шара қарастырылған. Аталған шараның 17-і орындалды, 14-і орындалу үстінде. «100 нақты қадам» Ұлт жоспарының 78-қадамы – ЖОО-ның академиялық және басқару тәуелсіздігін арттыру бойынша бақылау күшейтілді. Жыл соңына дейін 2 ЖОО біріктіріліп, 5 оқу орнының лицензиясын алу мәселесі қарастырылады», – деді Бердібек Сапарбаев.

Еліміздегі көлік инфрақұрылымының даму барысы туралы Үкімет басшысының орынбасары Роман Скляр баяндады. Оның айтуынша, «Нұрлы жол» мемлекеттік бағдарламасын жүзеге асыру нәтижесінде 2,4 мың шақырым республикалық маңызы бар автомобиль жолдары салынған және қайта құрылған. 1,3 мың шақырым жаңа теміржол пайдалануға беріліпті. Сондай-ақ Премьер-министрдің орынбасары Қытаймен шекаралас терминал инфрақұрылымының өткізу қабілеті жылына 40 млн тоннаға дейін ұлғайтылғанын жеткізді.

«Ақтау портының кеңеюіне және Құрық портының құрылысына байланысты Каспийдегі порт инфрақұрылымының өткізу қабілеті жылына 27 млн тоннаға дейін ұлғайтылды. Нұр-Сұлтан қаласында жаңа теміржол вокзалы және жаңа әуежай терминалы салынды. 15 әуежайда ұшу-қону жолағында қайта құру аяқталды», – деді Р.Скляр өз баяндамасында.

Үкімет басшысының орынбасары мәлімдеген ақжолтай жаңалық – алдағы 3 жыл ішінде Нұр-Сұлтан, Алматы мен Шымкент қаласында жұмыс істейтін жастарға 3 мыңға жуық жалдамалы пәтер берілмек. Еліміздің ірі қалаларына арман қуып келетін жастарды алаңдатқан басты мәселе – баспана десек, Үкіметтің бұл мәселені шешуге барынша күш жұмсап жатқаны болашаққа деген сенімді күшейтіп, еңбек етсем деген әлеуметтің әлеуетін арттырары анық.

Редакция таңдауы

Димаш Құдайберген сүйіктісі бар-жоғын айтты

Әлемге әйгілі әнші Димаштың жеке өмірі қызықты әрі құпия. Әншінің миллиондаған тыңдарманына «оның жүрегін жаулап алған кім ?» деген сұрақ қызықты, алайда әнші өз...

Генерал Б. Жанасаев: Елбасының сенімінен асқан жауапкершілік жоқ

Құқықтық тәртіп әскерінде Елбасы Нұрсұлтан Назарбаев сенім артқан сардарлар аз емес. Олардың әр қайсысының өз орны бар. Десе де, өмірлік тәжірибесі бай, Елбасының сенімін...

Көреалмаушылықтың көрігін басу кімге керек?

Қай қоғамда болса да жиі айтылатын, жиі талқыға түсетін нәрсенің бірі − көреалмаушылық, яғни қызғаныш. Содан болар, өмірінде қызғаныштың құрбаны болғанын, көреалмаушылықтың кесірінен көп...

Ұлы көштің ұйытқысы

1 желтоқсан – Қазақстанның Тұңғыш Президенті күні. Ел тарихы үшін елеулі күн болғандықтан, Тәуелсіз мемлекетіміздің буынын бекітіп, қанатын қатайтқан Елбасының ерен еңбегін екшеп айтуымыз...
Джо Байден

Джо Байден аяғынан ақсады

АҚШ-тағы президент сайлауда жеңімпаз болған Демократиялық партиясының өкілі Джо Байден аяғын жарақаттап...
Намбарын Энхбаяр Назарбаев

Намбарын Энхбаяр: Көреген және батыл болудың себебі (Елбасы туралы)

Моңғолияның үшінші Президенті Намбарын Энхбаярдың Тұңғыш Президент күніне орай жазған “Көреген және...
отшашу

1 желтоқсанда отшашу және бұқаралық іс-шаралар өту-өтпеу туралы белгілі болды

1 желтоқсанда Нұр-Cұлтан мен Алматыда сауда ортылықтары мен қоғамдық көліктің жұмыс режимі...
қазақ мәдени орталғы

Украинада қазақ мәдени орталығы ашылды

Украинада «Abai Uii» қазақ мәдени-іскерлік үйі ашылды, деп хабарлайды «Отандастар қоры» баспасөз...

Алматының аруы – Асият (фото)

 «Алматы аруы – 2020» байқауының жеңімпазы болып 20 жастағы  Асият Исембаева танылды....

Көп оқылды

Коронавирустың жаңа белгілері пайда болды

Коронавирус жұқтырған науқастардың бойындағы ауру белгілері денге қызбасының белгілеріне ұқсас болуы дұрыс диагноз қоюға кедергі келтіруде. Аталмыш белгілерді анықтаған Сингапур ғалымдары арнайы баяндама жасады....

Қазақ Тәуелсіздігіне – 25 жыл

2016 жылдың үлкен мерейтойы – Қазақстан Республикасы Тәуелсіздігінің 25 жылдығы. Айтулы мерекеге республикамыздың түкпір-түкпірінде қызу дайындық жұмыстары жүргізілетіні бесенеден белгілі. Ал ақтөбеліктер егемендігіміздің ширек...

Ертеңнен бастап мас күйінде көлік жүргізгендер 10 жылға сотталады

Көлікті мас күйінде тізгіндеп, жол ережесін бұзғандар 7 жылдан 10 жылға дейін бас бостандығынан айырылады. Президент осындай өзгеріс енгізілген заң жобасына бұған дейін қол қойған,...

Мемлекет басшысы коронавирустың екінші толқынына не себеп болғанын айтты

Президент Қасым-Жомарт Тоқаев телевизиялық үндеуінде елде коронавирустың және пневмония дертінің өршуіне не себеп болғанын айтты.  «Коронавирус қаупіне байланысты пандемия басталғалы біз елдегі вирустың таралуына шектеу...