Алматы әкімі бірқатар қаламгерлерді Президенттің алғыс хатымен марапаттады

Алматы әкімі бірқатар қаламгерлерді Президенттің алғыс хатымен марапаттады

Биыл «ҚР Тіл туралы» заңының қабылданғанына 30 жыл. Осыған орай Алматыдағы бірнеше ақын, жазушылар ел президенті Қасым-Жомарт Тоқаевтың алғыс хатымен марапатталды. Қала әкімі Бақытжан Сағынтаев зиялы қауымды айтулы датамен құттықтап, қазақ тілінің маңыздылығын атап өтті, деп хабарлайды "Алматы" арнасы.  «Президентіміз өзінің жолдауында «Қазақ тілі енді жалпы ұлтаралық тілге айналуы керек» деп айтып өтті ғой. Соған да бірте-бірте жетеміз. Оңтүстік өңірлерді не батыс өңірді алсаңыз, негізінен қазақша сөйлейді», – деді Алматы қаласының әкімі Бақытжан САҒЫНТАЕВ. «Аударма контенттердің ішінде қазақ тілі тұру керек. Осындай қазақ тілі ешқандай адам ресурстарын қоспай-ақ, технология бойынша аударып отыратын болсақ, онда бүкіл ЖОО білім мазмұндары қазақ тіліне еріксіз көшіп кетеді. Және жастар қиналмай, білімді игере беретін болады. Осындай дүниеге жететін болсақ, онда қазақ тілінің өрісі кеңейеді деп ойлаймын», – деді Алматы қалалық мәслихатының депутаты Кенжехан МАТЫЖАНОВ.