بەيبىت اتامقۇلوۆ چەرنوگوريا مەن زيمبابۆەنىڭ جاڭا ەلشىلەرىن قابىلدادى

قازاقستاننىڭ سىرتقى ىستەر ءمينيسترى بەيبىت اتامقۇلوۆ قاسىم-جومارت توقاەۆقا سەنىم گراموتالارىن تاپسىرعان قازاقستاندا قوسىمشا مىندەتىن اتقاراتىن چەرنوگوريانىڭ ەلشىسى راميز باشيچ جانە زيمبابۆەنىڭ ەلشىسى مايك سانگونى قابىلدادى.

كەزدەسۋ بارىسىندا ءسىم باسشىسى سۇحباتتاستاردى ەلدەگى ساياسي جانە ەكونوميكالىق وزگەرىستەرىمەن، سونداي-اق قازاقستاننىڭ سىرتقى ساياساتىنىڭ باسىمدىقتارىمەن تانىستىردى. چەرنوگوريا جانە زيمبابۆەمەن ساياسي ديالوگتى دامىتۋعا، ەكونوميكالىق، ساۋدا جانە مادەني-گۋمانيتارلىق بايلانىستاردى جانداندىرۋعا قىزىعۋشىلىق ءبىلدىرىلدى.

چەرنوگوريانىڭ ەلشىسى ەكى ەل اراسىندا ءتۇرلى باعىتتارداعى جىلى جانە دوستىق قارىم-قاتىناستاردى، سونىڭ ىشىندە تۋريزم سالاسىنداعى ىنتىماقتاستىقتى دامىتۋ ءۇشىن بار كۇشىن سالاتىنىن جەتكىزدى.

تاراپتار شارت-قۇقىقتىق بازانى كەڭەيتۋ ماقساتىندا كەلەسى جىلى ساياسي كونسۋلتاتسيالاردى وتكىزۋگە كەلىستى.

ر. باشيچ «ۇلكەن ەۋرازيا: ديالوگ. سەنىم. سەرىكتەستىك» تاقىرىبىنداعى ەۋرازيا ەلدەرى پارلامەنتتەرى توراعالارىنىڭ IV كەڭەسىنە (2019 جىلعى 23-24 قىركۇيەك، نۇر-سۇلتان ق.) شاقىرۋ ءۇشىن العىسىن ءبىلدىرىپ، چەرنوگوريا پارلامەنتىنىڭ توراعاسى يۆان ءبرايوۆيچتىڭ قاتىسۋىن راستادى.

زيمبابۆە ەلشىسىمەن كەزدەسۋ بارىسىندا زيمبابۆەنىڭ پرەزيدەنتى ەممەرسون منانگاگۆانىڭ اعىمداعى جىلعى قاڭتاردا نۇر-سۇلتان قالاسىنا العاشقى رەسمي ساپارىنىڭ قورىتىندىسى تالقىلاندى. زيمبابۆە پرەزيدەنتىنىڭ ساپارى بارىسىندا قول جەتكىزىلگەن ۋاعدالاستىقتاردى ودان ءارى ىسكە اسىرۋ ماقساتىندا ەكى ەل اراسىنداعى ىنتىماقتاستىقتى ودان ءارى جانداندىرۋعا كەلىستى، اتاپ ايتقاندا ساۋدا-ەكونوميكالىق جانە ينۆەستيتسيالىق ىنتىماقتاستىق.

سۇحبات سوڭىندا سىرتقى ساياسي ۆەدومستۆونىڭ باسشىسى جاڭا ەلشىلەرگە ديپلوماتيالىق ميسسيانىڭ ءساتتى بولۋىنا تىلەك ءبىلدىرىپ، ولاردىڭ قىزمەتى بارىسىندا مەملەكەتتەر اراسىنداعى دوستىق قارىم-قاتىناستار دامۋدىڭ جاڭا دەڭگەيىنە شىعادى دەگەن ءۇمىتىن ءبىلدىردى.

Back to top button