Алматылықтардың өтініштеріне назар аудармаған бірінші басшылар жеке жауапкершілікке тартылады

Алматылықтардың өтініштеріне назар аудармаған бірінші басшылар жеке жауапкершілікке тартылады

«Бүгін Мемлекет басшысының Жолдауын жүзеге асыру бойынша өткен қала активінің отырысында Алматы әкімі Бақытжан Сағынтаев мемлекеттің негізгі міндеті - азаматтардың барлық конструктивті сауалдарына жедел әрі нақтылы жауап беру екенін атап өтті», деп хабарлайды  Алматы   қаласы әкімдігі баспасөз қызметі. «Біз қазірдің өзінде «тыңдай алатын мемлекет» концепциясын іске асыруды бастадық. Барлық басқарма басшылары мен аудандар әкімдері әлеуметтік желілерде аккаунттар ашты, осы арқылы олар алматылықтардан тікелей «кері байланысты» қабылдай алады»,  деді Бақытжан Сағынтаев. Бұдан өзге, басқармалар мен аудан әкімдіктерінде «Ашық есіктер күндері» өтуде. Әкімнің сөзі бойынша олар әр апта сайын өтетін болады. «Адамдарды сапалы жауаптар толғандырады. Қайтадан өтініш берілмейтіндей етіп, барынша нақтылы жауап беру әрі түсіндіру қажет. Назар аударылмаған әрбір өтініш үшін бірінші басшылар жеке жауапқа тартылады. Кадрлық шешімдер ең алдымен олардың тұрғындармен жұмысының бағасына қатысты қабылданады»,  деп атап өтті Алматы қаласының әкімі. Сонымен қатар, жақын арада бейбіт жиындар өтетін орындар анықталады және БАҚ беттерінде жарияланатын болады.