سەناتتىڭ جاڭارتىلعان ۆەب-سايتى ىسكە قوسىلدى

بۇگىننەن باستاپ قر پارلامەنتى سەناتىنىڭ جاڭا ۆەب-سايتى ىسكە قوسىلدى. وعان http://senate.parlam.kz/سىلتەمەسى ارقىلى كىرۋگە بولادى.

سەناتتىڭ ءباسپاسوز قىزمەتى تاراتقان اقپاراتقا سۇيەنسەك، جاڭارتىلعان رەسمي سايت ارقىلى سەناتورلارمەن بايلانىس جاساۋ مۇمكىندىگى كەڭەيدى.

«سەنات دەپۋتاتتارىنىڭ جەكە پاراقشالارىندا ءوتىنىش نە قىزىقتىراتىن سۇراقتاردى قالدىرۋعا بولادى. زاڭ جوباسىن ۇسىنۋ ايدارىندا كەز كەلگەن ازامات تۇراقتى كوميتەتتەردىڭ قاراۋىنا زاڭداردى ۇسىنا الادى. سونداي-اق، پورتالدا ماڭىزدى قۇجاتتار، زاڭ جوبالارى، ستەننوگراممالار تولىعىمەن جاريالاندى. دەپۋتاتتىق ساۋالدار مەن پالاتانىڭ ۇسىنىستارىن بولەك ايداردان كورۋگە بولادى»، – دەلىنگەن حابارلامادا.

سەناتتىڭ پلەنارلىق وتىرىستارى، كوميتەت جيىندارى مەن باسقا دا ءىس-شارالارى تىكەلەي ەفير ارقىلى كورسەتىلەدى.

سايت ارقىلى سەناتتىڭ الەۋمەتتىك جەلىلەردەگى رەسمي پاراقشالارىنا دا وتۋگە بولادى. جاڭالىقتاردى الەۋمەتتىك جەلىلەر ارقىلى وقيتىندار ءۇشىن:

Instagram: https://www.instagram.com/senate_kz/

Facebook: https://www.facebook.com/senat.qazaqstan

Twitter: https://twitter.com/senate_kz

Youtube: https://www.youtube.com/channel/UCN7ci5peVk5J1KdWckbyKBA

ەستەرىڭىزگە سالا كەتەيىك، سەنات توراعاسى IV سەسسيا قورىتىندىسى بويىنشا وتكەن سەنات وتىرىسىندا پالاتا قىزمەتى بارىنشا اشىق بولاتىنىن ايتقان ەدى.

«بۇل باعىتتا بىرقاتار جۇمىستار قولعا الىندى. سەناتتىڭ سايتى جاڭارتىلىپ، پارلامەنت جوعارعى پالاتاسىنىڭ زاڭنامالىق جانە جۇمىس ماتەريالدارىنا كۇزدەن باستاپ قول جەتىمدى بولادى»، – دەدى داريعا نازارباەۆا.

Back to top button