كونستيتۋتسيانىڭ 1995 جىلعى تۇپكىلىكتى جوباسىنىڭ سۋرەتى جاريالاندى

قر تۇڭعىش پرەزيدەنتى – ەلباسىنىڭ ءباسپاسوز قىزمەتى قازاقستان رەسپۋبليكاسى كونستيتۋتسياسىنىڭ تۇپكىلىكتى جوباسىنىڭ ارحيۆتىك سۋرەتىن جاريالادى، دەپ حابارلايدى قازاقپارات.

«1995 جىلدىڭ 1 تامىزىندا رەسۋپبليكالىق بۇقارالىق اقپارات قۇرالدارىندا جالپىحالىقتىق تالقىلاۋدى ەسەپكە الا وتىرىپ، وزگەرىستەر مەن تولىقتىرۋلار ەنگىزىلگەن قازاقستان رەسپۋبليكاسى كونستيتۋتسياسىنىڭ جوباسى جاريالاندى. ارادا ءبىر اي وتكەننەن كەيىن مىنا ماسەلە بويىنشا جالپىۇلتتىق رەفەرەندۋم وتكىزىلدى. «1 تامىز كۇنى باسپاسوزدە جاريالانعان جوبانى – قازاقستان رەسپۋبليكاسىنىڭ كونستيتۋتسياسىن قابىلدايسىز با؟ رەفەرەندۋم بارىسىن قوعامدىق بىرلەستىكتەر مەن شەتەلدەردىڭ مىڭداعان وكىلى باقىلادى. داۋىس بەرۋ ناتيجەسىندە كونستيتۋتسيانىڭ جاڭا جوباسى داۋىستىڭ 89 پايىزىن يەلەندى»، – دەپ جازىلعان ەلباسىنىڭ ءباسپاسوز قىزمەتىنىڭ  instagram پاراقشاسىندا.

ۇقساس جاڭالىقتار

Back to top button