مۇستافا وزتۇرىك: جاقسى ءومىردى قيماسام، گەرمانيادا قالار ەدىم

ءار زامان، ءار داۋىردە ءومىر سۇرگەنىنە قاراماستان ءبىرتۋار تۇلعالاردىڭ حالىق مۇددەسى، ەل ءىسى، ۇلت ارمانى دەگەندە پىكىرى ءبىر جەردەن شىعاتىن مەملەكەتشىلدىك قاسيەتى قۋانتادى. ءبىز وسىنداي دارا تۇلعالاردىڭ ۇلتقا، مەملەكەتكە قاتىستى ايتقاندارىنان ۇزىندىلەر ىرىكتەپ، ءباسپاسوز بەتىندە جاريالاۋدى ماقسات تۇتىپ، «ۇشتاعان»  دەگەن اتپەن جاڭا ايدار اشىپ وتىرمىز. بۇل ايدارعا ءار قيلى ۋاقىتتا، ياعني كەڭەستىك جۇيەگە دەيىنگى جانە كەڭەس وداعى تۇسىندا ءومىر سۇرگەن تۇلعالار مەن تاۋەلسىز قازاقستان زامانىندا عۇمىر كەشكەن ۇلت قايراتكەرلەرىنىڭ پىكىرىن بەرمەكپىز. 

 

اق بولسىن، قىزىل بولسىن، ماعان ءبارىبىر. مەن قازاق ەلىنىڭ مۇددەسىن كوزدەيتىن ۇكىمەتتى عانا جاق­تاي­مىن. ادامعا ەڭ قىمبات نارسە – جۇرت قامى، جۇرت ءىسى.

احمەت بايتۇرسىن ۇلى

 

ەگەر، مەن جاقسى ءومىردى قيماسام، گەرمانيادا قالار ەدىم.  ال، مەن سانالى تۇردە ءوز حالقىممەن بىرگە بولىپ، بار قيىن­شى­لىقتاردى بىرگە كورۋگە بەل بۋدىم. ادام ومىرىندە ماقسات بولۋى كەرەك.  ال، ول – مەملەكەت، حالىق مۇددەسىنە ساي كەلگەندە عانا ماعىنالى.

مۇستافا وزتۇرىك

 

سوۆەت وداعى تارقاعان شاقتا، مەن قازاقستاننىڭ بايىرعى تۇرعىنى رەتىندە، قازاق رەتىندە وتانىم بار ەكەنىن، سوندا بارىپ تاۋەلسىز رەسپۋب­ليكا قۇرۋعا كومەكتەسەتىنىمدى ۇق­تىم. قازاقستاننىڭ ءبىر ءتۇيىر قۇم ەكە­نىن ءتۇسىندىم. بۇرىن ول جاعاجاي ەدى، ەندى مەملەكەت بولاتىن بولدى. ەندى وعان ەشكىم ءتيىسىپ، رەنجىتپەۋى كەرەك. سول ءبىر ءتۇيىر قۇمنىڭ ۇلكەن تاسقا اينالۋى ءۇشىن قىزمەت ەتۋگە كىرىستىم.

توقتار اۋباكىروۆ

 

ۇقساس جاڭالىقتار

Back to top button