Онкологиялық және гематологиялық көмекті жетілдіру кеңесі      

Онкологиялық және гематологиялық көмекті жетілдіру кеңесі      

    Педиатрия және балалар хирургиясы ғылыми орталығы педиатрияның көптеген салаларына жетекшілік етіп, үйлестіру қызметін атқарады. Бүгін Педиатрия орталығында «Қазақстан Республикасында 2019-2021 жылдарға арналған балаларға онкологиялық және гематологиялық көмекті жетілдіру жөніндегі Жол картасын» іске асыру аясында өңірлік балалар  онкологтар және гематолог мамандардың қатысуымен жұмыс кеңесі өтті. Басқосуға республиканың барлық облыстарының онко-гематолаг дәрігерлері қатысты. Кеңесте қатерлі ісікке шалдыққан балалардың демеуші терапияға арналған дәрі-дәрмектермен қамту мәселесі, гемофилиямен ауыратын науқастардың қанның ұйығыштық факторларымен қамтамасыз етілуі, сүйек кемігін трансплантациялаудан кейінгі терапияны жүргізуде препараттармен қамтамасыз ету жайы қаралды. Сонымен қатар өңірлердің медициналық ұйымдарындағы онкологтар/гематологтар кабинеттерінің жұмысын мониторингілеу нәтижелері, атап айтқанда ремиссиядағы науқастарды және гемофилияға шалдыққан науқастарды есепке алу, динамикалық қарауды бақылау, демеуші терапияның жүргізілуін қадағалау  мәселелері қаралды.