Жаңалықтар

 ҰСТАЗ АҚЫН – ҰЛАҒАТТЫ ТҰЛҒА 

ашық дереккөзі

 ҰСТАЗ АҚЫН – ҰЛАҒАТТЫ ТҰЛҒА 

Қарасай аудандық орталық кітапханасында осы ауданға қарасты Көліащы аулының тұрғыны, ақын Мақсат Әлсейітовпен шығармашылық кездесу кеші өтті. Кездесуге БАҚ өкілдері, мұғалімдер, кітапхана қызметкерлері мен мектеп оқушылары қатысып, әдебиет пен өнер, білім мен тәрбие туралы ақынның ойларын тыңдады. Кеш соңында аудандық мәдениет үйінің өнерпаздары өнер көрсетіп, ән мен күйден шашу шашты. Мақсат Әлсейітов 1965 жылы дүниеге келген. Жоғары білімді ұстаз. Жастайынан әдебиетпен айналысып, өлеңдер, мақалалар жазып келеді. Сондай-ақ түрлі деңгейдегі айтысқа қатысып, жүлделі орындарға ие болған. 2013 жылы Астана қаласында өткен «Жарқыра, жайна, Астана!» атты жыр мүшайрасында жүлделі үшінші орын алған. 2015 жылы «Атажұрт» баспасынан «Жетімсайдың бойында жетім ауыл» атты өлеңдер мен поэмалар жинағы басылып шықты.