"Baqytty bala-2019" вокалдық фестиваліне өтінімдер қабылдау басталды

"Baqytty bala-2019" вокалдық фестиваліне өтінімдер қабылдау басталды

2019 жылдың 10-14 шілде аралығында Ақтөбе қаласы әкімдігінің қолдауымен облыс орталығының 150 жылдығына арналған "Baqytty bala" ІІ ашық балалар вокалдық фестиваль-байқауы өткізіледі. "Baqytty bala" байқауын жас таланттар фабрикасы деп атауға болады. " Baqytty bala -2018" финалистері жыл бойы өздерінің жас ерекшеліктеріне қарамастан, табысты әртістер ретінде өздерін жоғары қырынан көрсете білді.  Мысалы, "Junior Eurovision" халықаралық ән байқауының ұлттық іріктеу суперфиналисттерінің жартысы – "Baqytty Bala" I фестивалінің қатысушылары. Айталық, Ержан Максим – мәскеуліктерге өте танымал ресейлік " Голос. Дети" фестивальінің екі Гран-приінің бірін иеленіп, жүлделі екінші орынды қанжығалады. Ал екінші Гран-при иегері Наргиза Жанұзақова әлемге әйгілі әнші Димаш Құдайбергеннің Лондонда өткен жеке концертінде өнер көрсетті. Мұндай мүмкіндікті Димаш Наргизді "Baqytty Bala-2018" марапаттау рәсімі кезінде өзі сыйға тартты.