Стамбұл мэрі – Экрем Имамоглу

Түркия сайлау комиссиясы Стамбұл мэрі сайлауында оппозиция өкілінің жеңіске жеткенін мойындады. Түркияның жоғары сайлау комиссиясы Стамбұл мэрі сайлауында оппозициялық Халықтық-республикашыл партия өкілі Экрем Имамоглудың жеңіске жеткенін мойындады. Бұл жөнінде Anadolu агенттігі хабарлайды. Ел президенті Режеп Ердоған басқаратын биліктің әділеттілік және даму партиясы 1994 жылдан бері бірінші рет ірі сайлауда жеңіліс тапты. Таяуда ғана билік партиясы Стамбұл мэрін сайлауды қайта өткізу жөнінде өтініш түсірген. Олар сайлауда әділетсіздіктер орын алды деп есептейді. Түркияда қала әкімі сайлауы 31 наурызда өткен. Оған елдің 57 млн сайлаушысы қатысқан. Түркия астанасы Анкара мэрін сайлауда да оппозиция өкілі Мансур Яваш 50 проценттен астам дауыс жинап, жеңіске жеткен.