ماڭىزدى شەشىم قابىلداندى

9 ءساۋىر كۇنى مەملەكەت باسشىسى قاسىم-جومارت توقاەۆ ەلىمىزدىڭ تەلەارنالارى ارقىلى حالىققا قازاقستان پرەزيدەنتىنىڭ كەزەكتەن تىس سايلاۋىن وتكىزۋ تۋرالى ۇندەۋ جاريالادى.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنىڭ تالاپتارىنا سايكەس، كەزەكتەن تىس پرەزيدەنتتىك سايلاۋ قازاقستان رەسپۋبليكاسى پرەزيدەنتىنىڭ شەشىمىمەن تاعايىندالادى جانە ول تاعايىندالعاننان كەيىن 2 اي مەرزىم ىشىندە وتكىزىلەدى. پرەزيدەنتتىڭ كەزەكتەن تىس سايلاۋى كونستيتۋتسيالىق زاڭدا پرەزيدەنتتىڭ كەزەكتى سايلاۋى ءۇشىن بەلگىلەنگەن قاعيدالارعا سايكەس وتەدى. اتا زاڭىمىز كونستيتۋتسيانىڭ 41-بابىنىڭ 3-1-تارماعىمەن پرەزيدەنتتىڭ كەزەكتەن تىس سايلاۋى رەسپۋبليكا پرەزيدەنتىنىڭ شەشىمىمەن تاعايىندالادى جانە كونستيتۋتسيالىق زاڭدا بەلگىلەنگەن ءتارتىپ پەن مەرزىمدە وتكىزىلەتىندىگى كوزدەلگەن.

مەملەكەت باسشىسىنىڭ كەزەكتەن تىس سايلاۋى نەگىزگى زاڭنىڭ 41-بابىنىڭ 3-تارماعىمەن بەلگىلەنگەن مەرزىمنەن تىس وتكىزىلەدى جانە ول رەسپۋبليكا پرەزيدەنتىنىڭ شەشىمىنە تىكەلەي بايلانىستى بولادى. ونى تاعايىنداۋعا قاتىستى كونستيتۋتسيادا بەلگىلەنگەن قۇقىقتىق شەكتەۋلەر جوق. مۇنىڭ ءبارى پرەزيدەنتتىڭ كەزەكتەن تىس سايلاۋىن تاعايىنداۋىنىڭ كونستيتۋتسياداعى 41-باپتىڭ 3-1-تارماعىنا سايكەس رەسپۋبليكا پرەزيدەنتىنىڭ ايرىقشا قۇزىرەتىنە جاتاتىنىن ايعاقتاي تۇسەدى. بۇل كونستيتۋتسيالىق قۇقىقتىلىققا قانداي دا بولسىن شارتتار مەن شەكتەۋلەر قويىلماعانى مەملەكەت باسشىسىنىڭ ونى جەكە-دارا جۇزەگە اسىرا الاتىنىن كورسەتەدى. ءبىز ءوز كەزەگىمىزدە پرەزيدەنتتىڭ وسى زاڭ تالاپتارىن باسشىلىققا العانىنىڭ كۋاسى بولىپ وتىرمىز.

 

رۋسلان ءپىرنازار،

Nur Otan پارتياسى ستراتەگيالىق باستامالار

ينستيتۋتىنىڭ ساراپشىسى

ۇقساس جاڭالىقتار

Back to top button