САЙРАМНЫҢ ЕРЕКШЕЛІГІ НЕДЕ?

Түркістан облысының әкімі Өмірзақ Шөкеев жұмыс сапарымен  Сайрам ауданында болды.

Ақсу өзені бойын абаттандыру жұмыстарымен танысқан соң өңір басшысы «Сайрам сүт» ЖШС-не барды. 50 адам жұмыс істейтін кәсіпорын тәулігіне 20 тонна сүт өнімдерін өндіреді. Өмірзақ Естайұлы аудан басшысына аталған кәсіпорынға субсидия алу бойынша жеңілдіктерді талапқа сай қарастыру қажеттігін тапсырды.

f2b0d090 315f 4a02 9158 a97670ebaf92

Сондай-ақ, облыс әкімі Сайрам ауданы, Манкент ауылындағы  «Балым-ай» балабақшасының жұмысымен танысты. 2019 жылы іске қосылған балабақшада бүгінде 280 бала тәрбиленуде. Онда 70 адам жұмыспен қамтылған.

d9486f11 e38a 4c31 be60 96fe0f62bf42

Сайрам ауданы ет экспорттаудан көшбасшылар қатарында екені жұртқа мәлім. Аудандағы ет өңдеумен айналысатын кәсіпорындардың бірі –  Манкент ауылында орналасқан «Ет Агро Манкент» СТК-ы. Кәсіпорын – мал бордақылау, ет өндіру, мал сою және ет сақтаумен айналысады. Жобаның қуаттылығы –  тәулігіне 20 тонна. Өндіріс орнының жұмысымен танысқан облыс әкімі ет экспорты бойынша Түркістан облысы республикада көш бастап тұрғанын атап өтіп, әлі де экспорт көлемін арттыру керектігін айтты.

385612da be7d 46f7 881e 6a29677e1c0f

Одан бөлек, облыс әкімі Сайрам ауданындағы  «Bella Mebel» жиhаз өндіретін фабрика жұмыстарымен де танысты.

b6c5060c 2b5a 4625 b3b4 f72566bae490

Бүгінгі таңда фабрикада 120-ға жуық адам жұмыс істейді. Жалпы фабриканың өнімдері тек қана Қазақстанға ғана емес, Әзібайжан, Өзбекстан мемлекеттерінде де үлкен сұранысқа ие.

bd2ae158 d7b6 422e 99be 42837836103e

Өткен жылы фабрика 496,4 млн. теңгенің өнімін өндірген, биыл өнім көлемін арттыру жоспарланып отыр. Өмірзақ Естайұлы кәсіпорын иесіне Түркістан қаласындағы индустриалды аймақтан жиhаз фабрикасын салуды ұсынды. Кәсіпкер аталған идеяны тез арада қолға алатынын жеткізді.

74ef68dc 3dac 4feb b7d2 d3391ff8ffc5

Жұмыс сапары соңында Ақсу ауылындағы «Асыл ЛТД» ЖШС-нің жетістіктерін көрген облыс басшысы тек ұн өндірумен тоқталып қалмай, бидай өнімін әртараптандыру керектігін айтты. Бүгінде тәулігіне 3000 тонна ұн шығаруға қабілетті диірменнің ұны елімізбен қатар Өзбекстанға экспортталып жатыр.

Back to top button