Өнер жұлдыздары музей қызметкеріне айналмақ

Өнер жұлдыздары музей қызметкеріне айналмақ

ҚР Ұлттық музейі жуырда «Жұлдызды гид» атты имидждік жоба ұйымдастырмақ. 26 қараша күні есімі елге белгілі өнер иелері мұражай қызметкерлерінің кейпіне енеді. Тұңғыш Президент күніне орайластырылған шарада отандық өнер жұлдыздары музей қонақтарына ақпараттық қызмет көрсетеді. Жобаның басты мақсаты - Ұлттық музейдің қоғамдағы имиджін арттыра отырып, экскурсовод қызметінің ерекшеліктерін түсіндіру. Өнер жұлдыздарын жаңа қырынан танытатын жоба мұражай экспонаттарына деген қызығушылықты арттыра түсетіні анық.

Шараға қатысатын өнер иелерінің арасында ақын Қалқаман Сарин, әнші Қарақат Әбілдина, Құрмаш Маханов бар. Қарақат Әбілдина музейге келушілер үшін "Алтын залды" таныстырса, Құрмаш Мақанов келушілерге "Тарих " залын аралатады. Сондай-ақ, Клара Төленбаева, Маржан Арапбаева, Досымжан Таңатаров пен Гүлнұр Оразымбетова сынды әншілер де музейде гид қызметін атқармақ. Шара соңы аты аталған жұлдыздардың қатысуымен өтетін концертке ұласпақ.