МАРОККО ШЕГІРТКЕСІНЕ ҚАРСЫ КҮРЕС ЖОҒАРЫ ДЕҢГЕЙДЕ

МАРОККО ШЕГІРТКЕСІНЕ ҚАРСЫ КҮРЕС ЖОҒАРЫ ДЕҢГЕЙДЕ

МАРОККО ШЕГІРТКЕСІНЕ ҚАРСЫ КҮРЕС ЖОҒАРЫ ДЕҢГЕЙДЕ
ашық дереккөзі
Биыл облыста марокко шегірткесіне қарсы химиялық күрес шаралары жалпы 83 мыңнан  астам гектарға жүргізіледі деп жоспарланып отыр. Бұл туралы Түркістан облысы Өңірлік коммуникациялар қызметінде өткен брифингте  ҚР Ауыл шаруашылығы министрлігінің Агроөнеркәсіптік мемлекеттік инспекция комитетінің Түркістан облыстық аумақтық инспекция басшысы Нұржан Құттыбекұлы мәлімдеді.  width=   «Облыстық аумақтық инспекция тарапынан марокко шегірткесіне қарсы өңдеу жұмыстарының сапалы жүргізілуін бақылауға және ұйымдастыру жұмыстарын жүргізуге аудандар бойынша химиялық өңдеу жүргізуге 15 топ құрылып, 33 инспектор және 17 автокөлік бөлінді. Сонымен қатар, 83 мыңнан астам гектарға химиялық өңдеу жұмыстарын жүргізу үшін 1189,8 мың гектар алқапта анықтау-зерттеу жұмыстарын жүргізу жоспарланып отыр.  Оған «Республикалық фитосанитарлық диагностика және болжамдар әдістемелік орталығы» РММ Түркістан облыстық филиалынан 90 штаттық мамандар мен анықтаушы және 44 қызметтік автокөлік бөлінді. Аудан әкімдіктері тарапынан қосымша 185 анықтаушылар жұмылдырылып, 47 жұмыс тобы құрылды. Сондай-ақ   28 су тасушы техника және пестицидтерді ерітуге қажетті 73 су көздері дайындалады», – деді Нұржан Кашкенов.  width=   Бүгінгі таңда, облыс әкімінің тапсырмасы бойынша аса қауіпті зиянды организмдермен күресу үшін ұйымдастыру, үйлестіру жұмыстарын жүргізетін штаб құрылып, үйірлі шегіртке таралған аудандарда жұмыс атқарылып жатыр.  width= Айта кетейік, жергілікті атқарушы органдармен бірлескен жұмыс жоспары жасалып, нақты істер қолға алынған. Осыған байланысты биыл облыс диқандары шегірткеден зардап шекпейді деген сенім бар.