«ەير استانا» ۇندىستانعا بالاما باعدار ارقىلى ۇشاتىن بولدى

«ەير استانا» ۇندىستانعا بالاما باعدار ارقىلى ۇشاتىن بولدى. بۇل جايىندا اقپارات قر يدم ازاماتىق اۆياتسيا كوميتەتىنىڭ فەيسبۋكتەگى پاراقشاسىندا جاريالاندى، دەپ حابارلايدى قازاقپارات.

«ەير استانا»اۋە كومپانياسى پاكىستان ازاماتتىق اۆياتسيا باسقارماسىنىڭ اقپاراتىنا سايكەس، اتالعان ەلدىڭ اۋە كەڭىستىگى 2019 جىلدىڭ 4 ناۋرىزىنا دەيىن جابىق بولاتىندىعىن حابارلايدى. تۋىنداعان احۋالدى شەشۋ ماقساتىندا «ەير استانا» ۇندىستانعا بارۋ-كەلۋ ۇشۋلارىن ورىنداۋ ءۇشىن جانارماي قۇيۋعا ومان كورولدىگىنە قونۋ ارقىلى بالاما باعدار كەلىسىمىنە قول جەتكىزدى»، -دەپ اتاپ وتەدى كوميتەتتەن.

كوميتەت مالىمەتىنشە، بالاما باعدار 2-5 ناۋرىز ارالىعىندا قولدانىستا بولادى.

«ۇشۋ ۇزاقتىعى الماتى-دەلي باعىتىندا 9 ساعات 15 مينۋتتى جانە دەلي-الماتى باعىتىندا 9 ساعات 25 مينۋتتى قۇرايدى. ءبىرىنشى كس907  رەيسى بۇگىن، 2 ناۋرىزدا ساعات تاڭەرتەگى 9-30-دا ۇشتى. ەندىگى رەيستەر تۋرالى اقپاراتتار www.airastana.com سايتىندا قولجەتىمدى نەمەسە كومپانيانىڭ سall ورتالىعىنان مىنا تەلەفون ارقىلى بىلۋگە بولادى:  +77272444477»، – دەپ اتاپ وتەدى ۆەدومستۆودان.

ۇقساس جاڭالىقتار

Back to top button