Қазақстанда жаңа телеарна ашылады
Қазақстанда жаңа телеарна ашылады
Жуырда Қазақстан Баспасөз клубында “Dombyra” телеарнасының іске қосылуына арналған баспасөз мәжілісі өтті.
Баспасөз мәжілісіне Zhuldyz TV Media құрылтайшысы Жаңылбеков Смайл Елшібайұлы, Қазақстанның еңбек сіңірген әртісі Секен Тұрысбеков, Қазақстанның еңбек сіңірген әртісі Рамазан Стамғазиев, Қазақстанның еңбек сіңірген әртісі Айгүл Үлкенбаева, Қазақстанның еңбек сіңірген қайраткері Мұқасан Шахзадаев және “Dombyra” телеарнасының директоры Ержігітов Қанат қатысты.
Қоғамды ұлттық мәдениет пен бірегейлікті сақтау мен қайта жаңғырту идеясының төңірегінде одан әрі топтастыру мақсатында Елбасымыздың шешімімен шілде айының 1-ші жексенбісі «Ұлттық домбыра күні» болып жарияланды. Домбыра – қазақтың киесі, қасиеті, қазынасы. ЮНЕСКО-нің шешімімен домбыра мен күй адамзаттың материалдық емес мәдени мұраларының тізіміне енді.
Осыған орай, “Dombyra” телеарнасының директоры Ержігітов Қанат «Dombyra» телеарнасы – қазақ халқының рухани жан серігіне айналған музыкалық төл аспаптарын, дәстүрлі әндері мен ұлттық күйлерін халыққа барынша насихаттайтын жаңа форматтағы телеарна болуын көздейтінін жеткізді.
