Маңғыстауда атыс қаруынан жараланған екі жігіт қайтыс болды
Маңғыстауда атыс қаруынан жараланған екі жігіт қайтыс болды
Маңғыстау облысында атыс қаруынан жараланған екі жігіт қайтыс болды, деп хабарлайды «Хабар 24».
Оқыс оқиға кеше Атамекен ауылындағы дүкен жанында болған. Мұнайлы аудандық полиция бөліміне жергілікті уақытпен сағат 20.10-да шақырту түседі. Кеудесіне оқ тиген ер адамдар өңірлік ауруханаға жеткізілді. Олар ауруханада көз жұмды. Қазіргі таңда екі күдікті «Қасақана кісі өлтіру» бабы бойынша тергеліп жатыр. Тағы бірнеше адам іздестірілуде.