Ақтау әуежайында рейстер кейінге шегеріліп жатыр

Қазіргі сәтте, 24 желтоқсанда ауа райы жағдайына байланысты сегіз рейс кейінге шегерілді, деп хабарлайды ҚазАқпарат lada.kz сілтеме жасап. Атап айтқанда, Астана, Астрахан, Мәскеу, Ыстанбұл және Атырау қалаларынан әуе рейстері шегеріліп жатыр. Сондай-ақ, Ақтөбе, Атырау, Алматы, Астана, Шымкент және Астрахан қалаларына ұшатын рейстер де кідіруде. «Ақтаудағы метеорологиялық жағдайдың қиындауына байланысты авиациялық маршруттардың ұшу кестесі бұзылды. Ыстанбұл мен Мәскеуден келетін рейстер Атыраудағы қосымша әуе айлағына жіберілді. Ұшу-қону жолағындағы мұздың ерігенін күтіп отырмыз», - деп хабарлады Ақтау халықаралық әуежайының өкілдері.