Жас ғалымдар робототехника бойынша стартап жобалар жасайды

Жас ғалымдар робототехника бойынша стартап жобалар жасайды

Қазақ мемлекеттік қыздар педагогикалық университетінің жас ғалымдары робототехника бойынша стартап жобалар жасауды қолға алады. Сонымен қатар оқу орнының базасында осы тарапта ғылыми-зерттеу жұмыстарын жүргізуге бағытталған арнайы секциялық үйірмелер құру да көзделіп отыр. Онда университет ғалымдары робототехника бойынша өңірдегі жоғары оқу орындарының білімгерлері мен мектеп оқушыларын заманауи зертханалық жұмыстарға тартып, олардың ғылыми әлеуетін көтермек. Мақсат – жастардың робототехника бойынша ғылыми-техникалық шығармашылық қабілетін дамыту. Бұған Қыздар университетінің материалдық-техникалық базасы толық мүмкіндік береді. Физика-математика факультетінің жанындағы «Робототехника» зертханасы Lego, Аrduino және Raspberry роботтарымен, оқу-әдістемелік және бағдарламалық  нұсқаулықтармен  жабдықталған.