«Жас ұлан» қалалық әскери-патриоттық ойыны өтті

«Жас ұлан» қалалық әскери-патриоттық ойыны өтті

Әсем шаһарымыз Алматыда орналасқан Радиоэлектроника және байланыс әскери-инженерлік институты базасында Әуезов ауданының әкімшілігімен бірлесе отырып  жасөспірімдер арасында «Жас ұлан» қалалық әскери-патриоттық ойыны өтті.  Аталған шара  әскери  оқу орнының құрылғанына 17  толуына арналды, ойынға Алматы қаласының  10 мектебінен 80-нен астам жасөспірім оқушылар қатысып, бақ сынады. Үздіктердің ішінен топ жарғандарды анықтау үшін қатысушылар саптық және атыс даярлығы (пневматикалық пистолеттен оқ ату), АК-74-ті бөлшектеу және құрастыру, әскери-спорттық сайыстар, әскерилендірілген кросс, тартылу мен қолдың бұлшық еттерін қатайту, әскери іс және тарихи-өлкетануды зерттеу бойынша сайысқа түсті. «Жас ұлан» ойындары адамның спортқа деген қабілетін арттыратын, жастардың қиын жаттығуларға бейімдігін, төзімділік қырларын ашатын ойын болып табылады.