ايبارى اسقاق اتا زاڭ

اتا-بابامىز اڭساعان ەگەمەندىككە قول جەتكىزۋىمىزدىڭ ارقاسىندا وسىدان جيىرما ءۇش جىل بۇرىن تاۋەلسىز قازاقستاننىڭ جاڭا اتا زاڭى قابىلداندى.

كونستيتۋتسيا – جوعارى زاڭدى كۇشى بار نورماتيۆتىك قۇقىقتىق اكت. نەگىزگى زاڭ مەملەكەتىمىزدىڭ قالىپتاسىپ، نىعايا تۇسۋىندە، ادامداردىڭ دەموكراتيالىق سانا-سەزىمىنىڭ جاپپاي دامۋىندا ماڭىزدى ءرول اتقارىپ كەلەدى. سونىمەن قاتار، ول ءبىزدىڭ قوعامىمىزدى دەموكراتيالاندىرۋدىڭ جانە نارىقتىق ەكونوميكانىڭ قالىپتاسۋىنىڭ سانالى تۇردە باستالۋىنا نەگىز بولدى.

ءبىزدىڭ وتانىمىز – قازاقستان رەسپۋبليكاسى. ءبىز تۋىلىپ، وقىپ جانە ءومىر ءسۇرىپ جاتقان ەل. ءبىز ءوزىمىزدىڭ ءومىرىمىزدى قازاقستان رەسپۋبليكاسىنىڭ كونستيتۋتسياسى دەپ اتالاتىن مەملەكەتىمىزدىڭ باس كىتابى بويىنشا قۇرامىز.

كونستيتۋتسيا – نەگىزگى زاڭ، بۇل ەلىمىزدىڭ بارلىق ازاماتتارى تاتۋ-ءتاتتى ءومىر ءسۇرىپ، جۇمىس ىستەپ جانە دەمالۋعا مۇمكىندىك بەرەتىن ەرەجەلەر مەن مىندەتتەردىڭ جيناعى.

ەلباسى نۇرسۇلتان ءابىش ۇلى نازارباەۆ ءوز سوزىندە: «كونستيتۋتسيانى قاتاڭ ۇستانۋ – بۇل مەملەكەتتىلىكتىڭ كەلىسىمنىڭ نەگىزى. ول بويىنشا ءومىر ءسۇرۋ – بۇل دەموكراتيانىڭ ەڭ جوعارعى مەكتەبى»، – دەدى.

ازاتتىقتى ارمانداعان قازاقستاندىقتار ەلباسى نۇرسۇلتان نازارباەۆتىڭ ساليقالى ساياساتىن قىزۋ قولداي وتىرىپ، دەموكراتيالىق دامۋ جولىن تاڭدادى.ەلىمىزدە جۇزەگە اسىپ جاتقان كۇردەلى وزگەرىستەر، ەلىمىزدىڭ قارقىندى دامۋى-مەملەكەتىمىزدىڭ كونستيتۋتسياسىمەن تىكەلەي بايلانىستى. بىرلىگىمىزدىڭ مىزعىماستىعىن قامتاماسىز ەتكەن كونستيتۋتسياعا قۇرمەتپەن قاراۋ جانە ونىڭ قاعيدالارىن قاتاڭ ساقتاۋ – ءاربىر ازاماتتىڭ قاسيەتتى بورىشى.

بۇگىنگى ءبىزدىڭ اتا زاڭ – «قاسىم حاننىڭ قاسقا جولى»، «ەسىم حاننىڭ ەسكى جولى»، ءاز تاۋكەنىڭ «جەتى جارعىسىنىڭ» زاڭدى جالعاسى.

اتا زاڭ – تاۋەلسىز ەل ەكەندىگىن تانىتاتىن، ازاتتىقتى بىلدىرەتىن، قۇقىعىڭدى ساقتايتىن، مەملەكەتتىڭ، ەلدىڭ تاۋەلسىزدىگىن، دەموكراتيالىق قۇندىلىقتارىن ايقىندايتىن نەگىزگى قۇجات. وندا مەملەكەتتىڭ بارلىق قۇرىلىمدارىنىڭ، جەكە ازاماتتاردىڭ، ۇلت پەن ۇلىستاردىڭ، الەۋمەتتىك توپتاردىڭ ماقساتتارى، مىندەتتەرى، قۇقىقتارى كورسەتىلگەن.

ەگەمەندىكتى بەرىك ەتكەن كوشباسشىمىز ن.ءا. نازارباەۆتىڭ سىندارلى ساياساتى ەلدىڭ ءوسىپ-وركەندەۋىنە زور ىقپال ەتكەنىن حالقىمىز جاقسى بىلەدى.

1995 جىلى 30 تامىزدا ەلباسى نۇرسۇلتان ءابىش ۇلى نازارباەۆتىڭ تىكەلەي باستاماسىمەن مەملەكەتىمىزدىڭ باستى قۇجاتى قابىلدانعان بولاتىن. 30 تامىز مەملەكەتتىك مەرەكە — قازاقستان رەسپۋبليكاسىنىڭ كونستيتۋتسياسى كۇنى بولىپ جاريالاندى.

بەيبىتشىلىك، كەلىسىم، تۇراقتىلىق ۇلگىسىن كورسەتىپ، قازاقستان جۇزدەگەن ۇلت وكىلدەرىنىڭ اياۋلى اتامەكەنىنە اينالدى. قۇقىقتىق مەملەكەت ورناتىپ، الەمنىڭ وركەنيەتتى ەلدەرىمەن جان-جاقتى ەكونوميكالىق-ساياسي تەڭ دارەجەدە قارىم-قاتىناس جاساۋ، ءىرى رەفورمالار جۇرگىزۋ، دەموكراتيالىق پرينتسيپتەردى قۇرمەتتەۋ – وسىنىڭ ءبارى اتا زاڭىمىز اياسىندا اتقارىلىپ جاتقان ءىس.

بۇگىنگى قازاقستاننىڭ الەمدەگى جوعارى بەدەلى – بۇل ءبىزدىڭ تىكەلەي ىشكى جەڭىستەرىمىزدىڭ، بەيبىتشىلىك سۇيگىش ساياساتىمىز بەن سارابدان باسشىلىقتىڭ ناتيجەسى.

ەل قورعاۋ – ەردىڭ ەنشىسى. بۇل حالقىمىزدىڭ سان عاسىردان بەرگى بۇلجىماس زاڭى، اينىماس ەرەجەسى. سوندىقتان دا قيىندىعى سان قيلى اسكەري قىزمەتتە قايعىلى تۇستار دا جوق ەمەس.

ءبىز ارقاشان وتان قورعاۋ جولىندا قازا تاپقان ۇلتتىق ۇلان ەرجۇرەك جاۋىنگەرلەرىنىڭ الدىندا باسىمىزدى يەمىز.

قازاقستاننىڭ ۇلتتىق ۇلان اسكەرىنىڭ باستى ماقساتى – ەلىمىزدىڭ قاۋىپسىزدىگىن قامتاماسىز ەتۋ. ءبىز زاڭدارىمىزعا، مەملەكەت قاۋىپسىزدىگىنە جانە ازاماتتارعا قول سۇعاتىن قارسىلاسقا ءوز قارۋىمىزدى باعىتتايمىز! جاۋ ءۇشىن ءبىز – سەمسەرمىز، ال ەل ءۇشىن ءبىز – قالقانبىز!

ءبىز مەملەكەتتىك رامىزدەرىمىزدى ۇلىقتاپ، تاۋەلسىزدىگىمىزدى كوزىمىزدىڭ قاراشىعىنداي ساقتاۋعا مىندەتتىمىز!

ءبىز ۇلانعايىر بايتاق دالانى اق بىلەكتىڭ كۇشىمەن قورعاپ قالعان باتىر بابالارىمىزدىڭ اسقاق اماناتىنا ادال بولۋىمىز كەرەك.

حالقىمىز جەرۇيىقتا عۇمىر كەشۋدى اڭسادى. وسى ارماندى اقيقاتقا اينالدىرۋ باقىتى ءبىزدىڭ ۇرپاققا بۇيىردى. ەلىمىزدى الەمنىڭ ماڭداي الدى مەملەكەتتەرىنىڭ قاتارىنا قوسىپ، قارقىندى دامىتىپ، قازاقستاندى قارىشتاپ وركەندەتە بەرۋ – ءبىزدىڭ قاستەرلى دە قاسيەتتى بورىشىمىز!

تاۋەلسىزدىگىمىزدىڭ تىرەگى، مەملەكەتتىگىمىزدىڭ جۇرەگى بولعان اتا زاڭىمىز ماڭگىلىك بولسىن! ەلىمىز شىرقاۋ شىڭدارعا، اسقار اسۋلارعا القىنباي جەتە بەرسىن!

سىزدەرگە زور دەنساۋلىق، وتباسىلارىڭىزعا اماندىق، اشىق اسپان، ەل يگىلىگى جولىنداعى ىستەرىڭىزگە تابىس تىلەيمىن.

 

الىبەك سەراليەۆ،

گەنەرال-مايور،

 قازاقستان رەسپۋبليكاسى

ۇلتتىق ۇلان اسكەرلەرى

«باتىس» وڭىرلىك قولباسشىلىعىنىڭ قولباسشىسى

ورال قالاسى

ۇقساس جاڭالىقتار

Back to top button