Президент кубогы – 2018

Президент кубогы – 2018

Теннистен ел президенті Н.Ә.Назарбаев атындағы жүлдеге арналған халықаралық жарыс басталды. Ұлттық теннис орталығында өтіп жатқан дәстүрлі теннис додасы 22 шілдеде аяқталады. Ұйымдастырушылар аталған теннис бәсекесін болашақта «АТР TOUR» санатына кіргізіп, абыройын одан әрі көтермек ниетте екен. Қазақстан теннис федерациясының вице-президенті Диас Досқараев: «алға қойған міндеттерді еңсеру үшін, мықты теннисшілерді шақырып, жоғарғы деңгейдегі теннис сайысын ұйымдастырып отырмыз» деді.