ەندى تەلەارنا مەن راديودا كوممەرتسيالىق جارناما ازايۋى مۇمكىن

قر پارلامەنتى ءماجىلىسىنىڭ جالپى وتىرىسىندا دەپۋتاتتار تەلەارنا مەن راديودا كوممەرتسيالىق جارنامانىڭ كولەمىن ازايتۋدى كوزدەيتىن زاڭ جوباسىن ماقۇلدادى، دەپ حابارلايدى Baq.kz ءتىلشىسى.

بۇگىن ءماجىلىستىڭ جالپى وتىرىسىندا «قر-سىنىڭ كەيبىر زاڭنامالىق اكتىلەرىنە جارناما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا قارالدى. زاڭ جوباسىنىڭ ماڭىزىن دەپۋتاتتارعا ءماجىلىستىڭ الەۋمەتتىك-مادەني دامۋ كوميتەتىنىڭ ءتورايىمى گۇلنار يكسانوۆا ءتۇسىندىردى.

«تەلە جانە راديوارنالاردىڭ كەشكى ۋاقىتتا (پرايم تايم) كوممەرتسيالىق جارناما كولەمىن قىسقارتۋعا كەزەڭ-كەزەڭىمەن كوشۋگە باعىتتالعان تۇزەتۋلەر ەنگىزدى. ماسەلەن، 2019 جىلدىڭ 1 قاڭتارىنان باستاپ، جارناما كولەمىن 20%-تەن اسپايتىنداي ەتىپ قىسقارتۋ ۇسىنىلادى. سونداي-اق مىندەتتى تەلە جانە راديوارنالاردا كۇنىنە 10 روليككە دەيىن الەۋمەتتىك جارنامانى وتەۋسىز ورنالاستىرۋ كوزدەلەدى»، – دەلىنگەن ءماجىلىستىڭ الەۋمەتتىك-مادەني دامۋ كوميتەتىنىڭ اتالعان زاڭ جوباسى بويىنشا قورىتىسىندا.

سونىمەن قاتار اتالعان قۇجات اياسىندا الەۋمەتتىك جارنامادا بالالاردىڭ بەينەسىن پايدالانۋ جونىندەگى شەكتەۋلەردى الىپ تاستاۋعا باعىتتالعان تۇزەتۋلەر ەنگىزىلگەن.

ءتيىستى تالقىلاۋلاردار كەيىن دەپۋتاتتار «قر-سىنىڭ كەيبىر زاڭنامالىق اكتىلەرىنە جارناما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ماقۇلدادى.

ۇقساس جاڭالىقتار

Back to top button