Jañalıqtar

AYLIĞIÑ QANŞA, ŞENEUNİK?

Soñğı derekterge süyensek, qazaqstandıq ortaşa jalaqı mölşeri 2013 jıldıñ säuirinde 105289 teñge bolsa, eñ joğarı aylıq – 210 mıñ teñge. Elimiz­degi eñ tömengi jalaqı  auıl­şaruaşılığı salasında ter tögip jürgenderge tiesili. San­dıq körsetkişterge şaqsaq, 48 mıñ teñge.

Juırda köpşilik aldında ağınan jarılğan üş şeneunik – QR Äleumettik qorğau jäne eñbek ministri Serik Äbdenov, QR Indus­triya jäne jaña tehnologiyalar ministri Äset Isekeşev jäne QR Din isteri jönindegi agenttik törağası Qayrat Lama Şarif ay sayın 600 mıñ teñge köleminde aylıq alatındarın aytqan edi. Osı igi bastama Öskemende jalğastı.  «Öziñnen basta» de­gen taqırıppen ötkizilgen şara­ğa atsalısqan 6 şeneuniktiñ biri – Öskemen qalalıq qarjı böliminiñ jetekşisi A. Bwqabaeva ayına 193 mıñ teñge, onıñ kömekşisi G.Davıdova 166 mıñ teñge alğan. Sonımen qatar, qalalıq işki sayasat böliminiñ basşısı B.Bakinova tiesili jalaqı 2 mln. teñgeden assa, osı bölimniñ meñgeruşisi L.Ekimova qırküyek pen jeltoqsan arasında 624 mıñğa juıq aylıq alğan. Öskemendik şeneunikter arasındağı eñ köp aylıq Öskemen oblıstıq bilim böliminiñ basşısı Kuznecevke tiesili – 2 mln 642 mıñ 834 teñge. Büginde onıñ zeynetaqı jinaqtau qorındağı qarajatı 1 mln. 676 mıñ 905 teñge körinedi. Jalaqı mölşerin jwrtqa jayıp salğan memlekettik qızmetkerler jekemenşiktegi üy-jayı, jıl­jımaytın mülikteri turalı da aşıq ayttı. Kisiniñ qaltasına köz satu – jaman ädet. Alayda, şeneunikter alatın aylıq qara­payım halıqtıñ, yağni, salıq töleuşilerdiñ qaltasınan şığa­tının eskersek, är tiınnıñ esebin bilgen abzal. Bwl qazaq qoğamındağı jemqorlıq dertiniñ asqınuına da kedergi boları anıq. Demek, öskemendikterdiñ igi bastaması Qazaqstandağı barlıq memlekettik organdarda qızmet etetin ağayınğa ülgi bolsa jaradı.

Nwrgül Mahanbetiyarova,

QazWU-dıñ İ kurs studenti 

Back to top button