Биылғы жылғы Президент сыйлығы екі ақпарат құралының басшысына берілді. Оның бірі – «Алаш айнасы» газетінің бас редакторы Серік Жанболат болса, екіншісі – «Еуразия» Бірінші арнасының бас директоры Сергей Киселев. Мерекеге орай тапсырылған президенттік гранттарды «Астана» телеарнасының арнайы жобалар бөлімінің продюсері, тележүргізуші Әйгерім Әбілдина мен «Хабар» телеарнасының тілшісі Артем Истомин иеленді.
Ал «Алаш Медиа Групп» холдингінің Бас директоры Батыр Қазыбаев «Tengrinews.kz» порталы үшін Мемлекет басшысының алғысхатына ие болды. Сонымен бірге, Ақтөбе облыстық «Актюбинский вестник» газетіне, «Дружные ребята» балалар газеті мен «Алау» телерадиокомпаниясы да Алғыс хатпен марапатталды.
Салтанатты шара барысында Мемлекеттік
хатшы М.Тәжин: «Соңғы кездері бірнеше республикалық телеарна ашылғанын білесіздер.
Отандық интернет-ресурстар қарқындап көбейіп жатыр. Сонымен бірге ақпарат
құралдары алдына сапалы түрде жаңару мәселесі шығып отыр. Өзгерістерге
қарамастан, қазіргі медиа саласында объективтілік, шынайылық, ақпаратты таразылау
сияқты базалық құндылықтар басымдыққа ие бола бермек», – деді.
Президент сыйлығы – күллі қазақ баспасөзінің жетістігі.
«Алаш айнасы» газетінің бас редакторына берілген сыйлықты бүткіл қазақ
баспасөзіне берілген марапат деп қабылдағанымыз абзал. Мұны «халықтың көзі мен
құлағына, тіліне» айналған қазақ баспасөзінің жарқын жеңісі деп санаймыз.
Гүлзина
БЕКТАС