Jañalıqtar

«Körkemsöz oqu şeberleri» attı qalalıq bayqau jariyalanadı!

Almatı qalasınıñ
Tilderdi damıtu, mwrağattar jäne qwjattama basqarması «Körkemsöz
oqu şeberleri» qalalıq bayqauın ötkizedi.

Bayqaudıñ maqsatı: memlekettik tildiñ qoldanılu ayasın keñeytu, memlekettik
til sayasatın keñinen  nasihattau,
talanttı jastardı jan-jaqtı kötermeleu.

Bayqaudıñ mindeti: körkem ädebietti, qazaq qalamgerleriniñ şığarmaşılıq
mwrasın nasihattau, ruhani birlikti nığaytu jäne
otansüygiştik sezimdi tärbieleu, qazaqtıñ wlttıq mädenieti men önerine,
ädebieti men tiline degen köpşilik ıqılasın arttıru, jastar arasında kitap oqu
mädenietin damıtu.

Bayqaudıñ şarttarı. Bayqauğa 15-30 jas aralığındağı talapkerler qatısadı. Käsibi öner salasınıñ
mamandarı, osı saladağı oqu orındarınıñ studentteri, sonday-aq osı bayqaudıñ
ötken jıldardağı jeñimpazdarı bayqauğa jiberilmeydi. Bayqauğa qatısuşılar tömendegidey
tapsırmalarğa  aldın ala dayındalıp kelui
kerek:

1.  prozalıq şığarmadan üzindi oqu;

2.  dramalıq şığarmadan üzindi oqu;

3.  mänerlep öleñ oqu.

Oqılatın mätin
kölemi 3-4 minuttan aspauı kerek, dayın fonogrammalardı paydalanuğa tıyım
salınadı. Belgisiz avtorlardıñ körkemdigi tömen şığarmalarınan üzindi
oquğa  bolmaydı, talapkerler oqitın
mätinderin jatqa biluleri qajet.

Bayqaudıñ qazılar alqası qatısuşılardıñ önerin bağalau kezinde körkem
mätindi oqu şeberligine, dauıs mänerine jäne til tazalığına, mätindi tañdau
talğamına, sahnada özin-özi wstauına, kiim sänine basa nazar audaradı.

Bayqaudıñ jüldesi. Jüldeli birinşi, ekinşi jäne üşinşi orındardı
ielengenderge tiisti därejedegi diplomdar men bağalı sıylıqtar tapsırıladı.
Qatısuşılarğa alğıs hattar men estelik sıylıqtar beriledi.

Bayqauğa qatısuğa tilek
bildiruşiler 2013 jılğı 17 qaraşağa deyin Almatı
qalası Tilderdi damıtu, mwrağattar jäne qwjattama basqarmasına ötiniş
bere aladı. Baylanıs
telefondarı
: 2672228, 87078070102. Qımbat
Nwrswltanqızı.

“Türkistan-aqparat”

Back to top button