جاڭالىقتار

رەسپۋبليكالىق «كوزكورگەن» اتتى سىقاقشىلار سايىسى

قۇرمەتتى ازىلسۇيەر قاۋىم! 

قازاقستان جازۋشىلار وداعى ساتيرا كەڭەسى، قازاقستان ەسترادا ارتىستەرى وداعى، وڭتۇستىك قازاقستان وبلىسى اكىمدىگىنىڭ ۇيىمداستىرۋىمەن شىمكەنت قالاسىنداعى وبلىستىق ءازىل-سىقاق تەاترىندا 7 جەلتوقسان كۇنى، ساعات 11.00-دە رەسپۋبليكالىق «كوزكورگەن» اتتى سىقاقشىلار سايىسى وتەدى.ۇلى تۇلعالاردى ۇلىقتاۋ ماقساتىنا ارنالعان بۇل بايقاۋ قازاق ادەبيەتىندە تۇڭعىش ساتيرالىق رومان جازعان سىقاقشى، دراماتۋرگ سادىقبەك  ادامبەكوۆكە ارنالعالى وتىر. ماقساتى – ساتيريك قالامگەردىڭ ونەگەلى ءومىرى مەن تاعىلىمدى رۋحانياتىن ناسيحاتتاۋ، كەيىنگى ۇرپاققا كەلەلى ونەگەسىن ۇلگى ەتۋ.

بايقاۋعا قاتىسۋشىلاردىڭ  پاروديا نەمەسە ەپيگرامما تەكتەس دوستىق راۋىشتە جازىلعان ءبىر ءازىل ولەڭى مىندەتتى تۇردە سادىقبەك ادامبەكوۆكە ارنالۋى ءتيىس. ەكىنشىسى – ۇيىمداسقان قىلمىس پەن سىبايلاس جەمقورلىق تاقىرىبىن قامتىسا، ءۇشىنشىسى – ەركىن تاقىرىپقا جازىلعان سىقاق ولەڭ.

جەڭىمپازداردى بەلگىلى قالامگەرلەردەن قۇرالعان قازىلار القاسى انىقتايدى.

بايقاۋ قورىتىندىلارى بويىنشا بەرىلەتىن جۇلدەلەر مەن سىيلىقتار كولەمى تومەندەگىدەي:

باس بايگە – 500 000 تەڭگە.

1 ورىن  بىرەۋ – 300 000 تەڭگە.

2 ورىن  بىرەۋ – 200 000 تەڭگە.

3 ورىن  بىرەۋ – 150 000 تەڭگە.

ىنتالاندىرۋ سىيلىقتارى تورتەۋ: 50 000 تەڭگەدەن.

بايقاۋعا ۇسىنىلاتىن جۇمىستار «سىقاق­شىلار سايىسى: كوزكورگەن» دەگەن بەلگىمەن  مۇمكىندىگىنشە ەلەكتروندى پوشتا نەمەسە حات ارقىلى قابىلدانادى. جالپى كولەمى 3-7 بەت، قارىپ ءتۇرى Times New Roman, كەگلى – 14.

ءبىزدىڭ مەكەن-جايىمىز: 160000. شىمكەنت قالاسى، قازىبەك بي كوشەسى، 5-ءۇي، 2-قابات. 

انىقتاما تەلەفونى: 8 (7017881311) ەلەكتروندىق پوشتا e-mail: oko_madeniet@mail.ru 

             

                                                                             

                                     

Back to top button