جاڭالىقتار

وڭاي ولجا – وقۋشىلارعا تاعام جاساۋ ما؟

 

«اس تۇرعان
جەردە اۋرۋ تۇرمايدى» دەسەدى. ءبۇلدىرشىننىڭ دەنساۋلىعىن بۇلدىرگەندەر كىنانى
موينىنا الا ما؟ 11 وقۋشىنىڭ اسحانادان جەگەن ىرىمشىگى مەن سۇزبەسى ۋلانۋعا سەبەپ
بولعان دەگەن ءۋاج ايتۋدا. ال اسپازشىلار سۇزبەنى وزدەرى دايىندامايتىنىن، ءتىپتى
ديرەكتوردىڭ باسقا كاسىپكەرگە اسحانانى الىپ بەرمەكشى بولعانىن دا جاسىرمادى. «بالالاردىڭ ۋلانۋى تەندەردى وزگە كاسىپكەرگە بەرۋدى كوزدەگەن مەكتەپ
ديرەكتورىنىڭ ارەكەتىنەن بولۋى مۇمكىن» دەگەن بولجام بار

بىلتىرعى
جىلدىڭ اياعىندا الماتى وبلىسىندا بالاباقشالاردىڭ بىرىندە 30-عا جۋىق بالا ۋلانىپ،
اۋرۋحاناعا تۇسكەن بولاتىن. وندا دا جەرگىلىكتى سانيتارلىق-ەپيدەميولوگيالىق
مەكەمەلەر جىلى جاۋىپ قويعان.

سوندا مەملەكەتتىك
مەكەمەلەردىڭ بارلىعىنا تاماق تاسيتىندار بەلگىسىز كاسىپكەرلەر. ولاردىڭ قۇجاتىن
سول مەكتەپ تەكسەرمەيدى دە، تەكسەرۋگە قۇزىرى دا جوق. مەملەكەتتىك مەكەمە دەمەكشى،
كۇنى كەشە قىزىلوردا قالاسىنداعى اسكەري ءبولىم ساربازدارى اۋىز سۋدان ۋلاندى دەگەن
حابار تارادى. ايتەۋىر استان ەمەس. دەسە دە جەرگىلىكتى حالىق تا وسى سۋدى تۇتىنىپ
وتىرعان كورىنەدى، سوندىقتان «ەگەر ساربازدار قۇبىرداعى سۋدان ۋلانسا، تۇرعىندار
اراسىندا دا ۋلانۋ دەرەگى بولۋى ءتيىس ەدى»، – دەيدى جەرگىلىكتى بيلىك. اتالمىش وبلىستاعى
ەلدىمەكەن قىزىلجارمادا 6 مىڭعا جۋىق حالىق بار. سۋ وتكىزۋ جەلىسى اسكەريلەرگە دە،
ازاماتتىق تۇرعىندارعا دا ورتاق. ولاي بولسا بىردەن سوقتالداي 36 جىگىت نەدەن
ۋلاندى؟ تاعى دا استان ەمەس پە دەگەن كۇدىك تۋادى. بىراق سەس ماماندارى
ساربازداردىڭ نەدەن ۇشىنعانىن بۇگىن رەسمي تۇردە ايتۋى ءتيىس.

Back to top button