جاڭالىقتار

جۋرناليستەر بىرلىكتىڭ جارشىسىنا اينالۋى ءتيىس

بۇگىنگى جۋرناليستەر ىزگىلىك پەن بىرلىكتىڭ جارشىسىنا اينالۋى ءتيىس. جۋىردا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك «نۇر-مەديا» حولدينگى قۇرامىنداعى باسىلىمدار مەن ەلەكتروندى اقپارات قۇرالدارىنىڭ باس رەداكتورلارىمەن كەزدەسۋىندە وسىنى قاداپ ايتتى. جيىن بارىسىندا ءتىلشى قاۋىمدى مازالاپ جۇرگەن بىرقاتار ماسەلەلەر توڭىرەگىندە كەلەلى اڭگىمەلەر ايتىلدى. 

بيىل حولدينگتە جاقسى جاڭالىق­تار وتە كوپ. حولدينگتىڭ قۇرامىنداعى ءتورت باق ءوزىنىڭ مەرەيتويىن اتاپ وتپەكشى. اتاپ ايتار بولساق، بيىل «تۇركىستان» گازەتىنە – 20 جىل. سونىمەن بىرگە، «NS» راديوسىنىڭ قۇرىلعانىنا – 20 جىل، «ايقىن» جانە «ليتەر» گازەتتەرىنە 10 جىل تولدى. ايتۋلى مەرەكەمەن رەداكتسيا ۇجىمدارىن قۇتتىقتاعان باۋىرجان بايبەك: «حولدينگتىڭ اقپارات قۇرالدارى ەلباسى – پارتيا كوشباسشىسىنىڭ تاپسىرمالارىن حالىققا ءتۇسىندىرىپ، پارتيا جۇمىسى مەن ساياسي دوكترينانىڭ باسىم باعىتتارىن جەتكىزە وتىرىپ، سول ارقىلى ەلىمىزدىڭ قوعامدىق-ساياسي ومىرىندە ەرەكشە ءرول اتقارىپ كەلەدى»، – دەدى.

كەزدەسۋ اياسىندا «نۇر-مەديا» باس ديرەكتورى بولات بەرسەباەۆ حولدينگتىڭ اعىمداعى جانە اكتيۆتەرىنىڭ جاعدايى، ونىڭ دامىتۋ جايى تۋرالى ءسوز ەتتى. سونىمەن بىرگە، باق باسشىلارى دا كەلەشەك جوسپارلارىمەن ءبولىستى. جيىندا اقپارات سالاسى دا ءسوز بولدى. باسشىلىق تاراپىنان ايتىلعان ماسەلەنىڭ ءبىرى – كەلەشەكتە «نۇر-مەديا» حولدينگىنە قاراستى بۇقارالىق اقپارات قۇرالدارى ۇشقىر دا، انىق دەرەك كوزى بولۋى ءتيىس. 

پارتيا توراعاسىنىڭ ءبىرىنشى ورىن­باسارى باۋىرجان بايبەك بۇگىندە عالامتوردىڭ ماڭىزىنىڭ زور ەكەندىگىنە توقتالا كەلىپ: «نۇر وتان» پارتياسى ەلەكتروندى پارتيا جوباسىن ىسكە اسىردى. عالامتور ارقىلى حالىق ءوزىنىڭ پىكىرلەرىمەن، ءوز ويلارىمەن بولىسە الادى. ينتەرنەت بارلىق جەردە قولجەتىمدى. سول ارقىلى كەز كەلگەن ادامعا دا ءبىزدىڭ پارتيا قولجەتىمدى. بۇل ءبىز ءۇشىن وتە ماڭىزدى»، – دەدى. سونىمەن بىرگە، باۋىرجان بايبەك حولدينگ توراعاسىنا حولدينگتىڭ قارجىلىق تۇراقتىلىعىن جانە اكتيۆتەرىنىڭ باسەكەگە قابىلەتتىلىگىن ارتتىرۋ، پارتيالىق كونتەنتتىڭ ماڭىزىن جوعارىلاتۋ جونىندە جۇمىستاردى جالعاستىرىپ، سونداي-اق، الەۋمەتتىك جەلىلەردە، جالپى عالامتوردا «نۇر-مەدياعا» قاراستى باق-تان كورىنۋىن كەڭىنەن تاپسىردى.

«نۇر-مەديا» اكتيۆتەرىنىڭ راديو، تەلەارنالار، باسپا باق، ينتەرنەت سەكىلدى مەديانارىقتىڭ بارلىق سەگمەنتتەرىندە ورنى بار. اتاپ ايتار بولساق، پارتيالىق حولدينگتىڭ قۇرامىنا استانا تەلەارناسى، NS, Orda FM راديولارى، Remarka.kz, Munara.kz, Aynaline.kz سايتتارى، «ليتەر»، «ايقىن»، «تۇركىستان» گازەتتەرى ەنەدى. حولدينگتىڭ بۇقارالىق اقپارات قۇرالدارى وزىندىك ەكسكليۋزيۆتىك كونتەنتىمەن جانە كەڭ اۋديتورياسىمەن ەرەكشەلەنەدى. 

كەزدەسۋ بارىسىندا ايتىلعان جايتتىڭ ءبىرى – بۇگىنگى كۇندە حولدينگ مەديالىق اكتيۆتەرىنىڭ جۇمىسىن قايتا جاڭعىرتۋدا. قارجىلاي شىعىنداردى ازايتۋ ماقساتىندا «ليتەر» جانە «ايقىن» گازەتتەرى ءبىر-بىرىنە تاۋەلسىز رەداكتسيالارىن ساقتاي وتىرىپ، ءبىر سەرىكتەستىككە بىرىكتىرىلۋدە. 2014 جىلدىڭ 10 ساۋىرىنەن باستاپ، «نۇر وتان» پارتياسىنىڭ قولداۋىمەن «ارا» ساتيرالىق جۋرنالى «ايقىن» گازەتىنە قوسىمشا رەتىندە جارىققا شىعا باستادى. سونىمەن بىرگە، Munara.kz سايتى «نۇر وتان» پارتياسىنىڭ ساياسي دوكتريناسىندا بەلگىلەنگەن قازاقستاندىق قۇندىلىقتاردى ىلگەرىلەتۋگە ەكپىن قويا وتىرىپ، ءوز كونتەنتىن دامىتاتىن بولادى. 

گۇلزينا تۇرعانبايقىزى

Back to top button